Imikino Olempike 2020 yagombaga kubera Tokyo yasubitswe kubera Coronavirus

Ibihugu bitandukanye birimo u Bwongereza, Canada na Australia byari byatangiye kotsa igitutu abategura iyi mikino babasaba kwimura iyi mikino kubera impungenge z’icyorezo cya Coronavirus kibasiye abatuye Isi muri iki gihe, ndetse binemeza ko nihatagira igihinduka bitazohereza abakinnyi babyo mu Buyapani.

Nyuma yuko, Ishyirahamwe ry’imikino Olempike ku Isi ryicaranye n’abafatanyabikorwa bakaganira, ryahise risohora itangazo ryimura iyi mikino yari iteganyijwe muri uyu mwaka.

Yagize iti “Tugendeye mu bihe turimo n’amakuru twahawe n’Ishyirahamwe ry’Ubuzima ku Isi, Perezida wa CIO na Minisitiri w’Intebe w’Ubuyapani bemeje ko Imikino Olempike y’i Tokyo ishyirwa umwaka utaha bitarenze mu mpeshyi, kugira ngo habungwabungwe ubuzima bw’abakinnyi n’abandi bose bayigiramo uruhare”.

Kuva iyi mikino yatangira gukinwa bwa mbere mu 1896, ni ubwa mbere iyi mikino isubitswe ku mpamvu idaturutse ku ntambara y’Isi.

Imibare mishya iragaragaza ko kugeza ubu abarenga 386, 350 mu bihugu 175 bamaze kwandura iki cyorezo cyatangiriye mu Bushimwa mu mpera z’umwaka ushize wa 2019, kikaba kimaze guhitana abasaga ibihumbi 16, 900.

Imikino Olympic yari iteganyijwe muri uyu mwaka mu Buyapani yimuriwe 2021