Abantu 318, 813 nibo bamaze kwandura icyorezo cya Covid-19 birashoboka ko uza gufungura iyi nkuru iyi mibare yazamutse.
Muri iyo mibare harimo umucyecuru Julio Morley umuyobozi w’irushamwa rya Nyampinga w’Isi (Miss World). Rimwe mu marushanwa ane akomeye y'ubwiza ku Isi.
Uyu mucyecuru yagaragaje ibimenyetso bya Coronavirus mu ntangiriro z'iki cyumweru agiye kwa muganga basanga yaramaze kwandura iki cyorezo atangira kwitabwaho kandi ngo arimo kugenda amera neza.
Ibi byatumye Nyampinga w’Isi 2019 Toni-Ann Singh atangira gukurikiranirwa hafi akaba yashyizweho mu kato kuko akunda kuba ari kumwe cyane na Julio Morley umufasha mu bujyanama.
Baherukana mu itorwa rya Miss Nepal.
Coronavirus imaze amezi 3 yogoga Isi. Inamaze ukwezi kumwe ishami ry'umuryango w’Abibumbye ryita ku buzima (OMS/WHO) ryemeje ko iyi ndwara ari icyorezo ndengakamere cyugarije Isi.
Uburyo bukomeye bwo kuyirinda ni ukwirinda kujya ahantu hari abantu benshi no kugira isuku cyane cyane gukaraba ibiganza.
Ibimenyetso byayo ni ugukorora, kugira umuriro, gucika intege no guhumeka bigoranye.
Eng
RSS 
TANGA IGITECYEREZO