Airtel Rwanda
Kigali

CHAN yagombaga kubera muri Cameroun muri Mata 2020 yasubitswe kubera Coronavirus - AMAFOTO

Yanditswe na: SAFARI Garcon
Taliki:18/03/2020 11:13
0

Impuzamashyirahamwe y’umupira w’amaguru muri Afurika ‘CAF’ yamaze gufata icyemezo cyo gusubika irushanwa nyafurika ry’abakinnyi bakina imbere mu bihugu byabo ‘CHAN 2020’ kubera impungenge z’icyorezo cya Coronavirus gikomeje gukwirakwira ku isi.



Ni umwanzuro wafashwe na CAF kuri uyu wa Kabiri nyuma y’uruzinduko rw’iminsi ibiri intumwa z’iyi mpuzamashyirahamwe zari zimaze muri Cameroon zigenzura uko ubuzima muri iki gihugu buhagaze, kugira ngo bemeze cyangwa bimure irushanwa rya CHAN 2020 ryari riteganyijwe kubera muri iki gihugu mu minsi mike iri imbere.

Nyuma y’amakuru izi ntumwa zavanye muri Cameroon impuzamashyirahamwe y’umupira w’amaguru muri Afurika yanzuye ko iri rushanwa ryigizwa inyuma kugeza taliki itazwi bitewe n’icyorezo cya Coronavirus cyayogoje isi yose.

Iki gikombe cya Afurika gihuza abakinnyi bakina imbere mu gihugu "CHAN", cyagombaga kubera muri Cameroun guhera Tariki 04/04/2020, kikaba cyamaze gusubikwa, aho igihe kizabera kizatangazwa nyuma.

CAF yavuze ko nubwo Cameroon yavuze ko yabasha guhangana n’iki Cyorezo cya Coronavirus ariko ishami ry’umuryango w’abibumbye ryita ku buzima [WHO] ryababwiye ko ibintu bitaramera neza ndetse nta cyizere cy’uko iki cyorezo kizahagarara vuba.

Gusubikwa kwa CHAN kuje nyuma y’aho u Rwanda rwari rwaramaze gufata umwanzuro wo kutazitabira iri rushanwa mu rwego rwo gukumira icyorezo cya Coronavirus.


Itangazo rya CAF risubika CHAN 2020


CHAN 2020 yagombaga kuba muri Mata yigijwe inyuma


Morocco ni yo ifite igikombe giheruka





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND