RFL
Kigali

CAF yatangaje ibibuga bizakira imikino ya nyuma muri Champions League ndetse na Confederations Cup 2020

Yanditswe na: SAFARI Garcon
Taliki:16/03/2020 16:10
0

Impuzamashyirahamwe y’umupira w’amaguru muri Afurika ‘CAF’ yamaze gutangaza ko umukino wa nyuma w’irushanwa rihuza amakipe yabaye aya mbere iwayo ‘CAF Champions League’ uzabera i Douala muri Cameroon naho uw’amakipe yatwaye ibikombe iwayo ‘CAF Confederations Cup’ ukazabera muri Morocco.



Kuri uyu wa mbere tariki ya 16 Werurwe 2020, nibwo yatangaje ibibuga imikino ya nyuma y’amarushanwa ahuza amakipe yahize ayandi muri Afurika izakinirwaho.

Sitade Japoma iherereye i Douala muri Cameroon yafunguwe mu mwaka ushize, ikaba yakira abantu ibihumbi 50 (500000) niyo izakira umukino wa nyuma w’irushanwa rihuza amakipe yabaye aya mbere iwayo (CAF champions league) ukaba uteganyijwe gukinwa tariki ya  29 Gicurasi 2020.

Ikibuga cya Complex sportif prince Moulay giherereye i Rabat muri Morocco, cyubatswe mu 1983 kikaba cyakira abantu ibihumbi 53 (53000) nicyo kizakira umukino wa nyuma w’irushanwa rihuza amakipe yatwaye ibikombe iwayo (CAF Confederations cup) umukino uzaba kuya 24 Gicurasi 2020.

Aya marushanwa ageze muri ½, amakipe arindwi mu munani umunani asigaye muri aya marushanwa, yose akomoka mu bihugu byo mu majyaruguru ya Afurika (Magreb countries).

Muri ½ cya CAF Champions League hasigayemo amakipe yo mu bihugu bibiri, Misiri na Morocco.

Zamalek yo mu Misiri izakina na Raja Casablanca yo muri Morocco mu gihe Al Ahly nayo yo mu Misiri izakina na Wydad AC yo muri Morocco.

Muri ½ cya CAF Confederations Cup, hasigayemo amakipe abiri yo muri Morocco, iyo muri Guinea ndetse n’iyo mu Misiri.

Hassania Agadir na RS Berkane zo muri Maroc zizesurana, mu gihe undi mukino uzahuza Pyramids yo mu Misiri na Horoya yo muri Guineya. Imikino ibanza ya ½ a iteganyijwe ku ya 3 Gicurasi iyo kwishyura ikaba ku ya 10 Gicurasi 2020.

Izaba ariyo nshuro ya mbere muri Afurika iyi mikino ya nyuma muri aya marushanwa abereye ku bibuga bidafite ikipe n’imwe bibogamiyeho, kuko mu myaka ishize wasangaga hakinwa umukino ubanza n’uwo kwishyura, rimwe na rimwe bikanateza impagarara hakazamo na za ruswa.


Stade Japoma yo muri Cameroon niyo izakira umukino wa nyuma muri CAF Champions League


Complexe Sportif Prince Moulay Abdellah yo muri Morocco niyo izakira umukino wa nyuma wa CAF Confederations Cup






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND