RFL
Kigali

Juventus de Turin yemeje ko myugariro wayo Daniele Rugani yanduye Coronavirus

Yanditswe na: SAFARI Garcon
Taliki:12/03/2020 10:08
0


Ikipe ya Juventus yemeje ko Daniele Rugani umutaliyani akaba na myugariro w'iyi kipe y'umupira w'amaguru ibarizwa mu mujyi w’i Turin basanze afite iyi virus yamaze gutangazwa nk'icyorezo gihjangayikishije Isi muri iki gihe.



Daniele Rugani w'imyaka 25, ubu yashyizwe mu kato, kimwe n'abantu bose bahuye nawe nk'uko ubuyobozi bw’ikipe ya Juventus bwabitangaje.

Ibikorwa byose by'imikino mu Butaliyani byarahagaritswe kugeza tariki 03 z'ukwezi kwa kane, mu gihe kandi mu Butaliyani ibikorwa byinshi mu buzima busanzwe byahagaritswe.

Rugani, ku cyumweru yari ku ntebe y'abasimbura b'ikipe ya Juventus  ubwo yatsindaga Inter Milan ibitego bibiri ku busa. Rugani kandi asanzwe ari umukinnyi w'ikipe y'igihugu y'Ubutaliyani.

Ku cyumweru, yagaragaje ifoto yo mu rwambariro rw'abakinnyi ari kumwe na bagenzi be bishimira intsinzi bari bavanye kuri Inter Milan.

Rugani yabaye umukinnyi w'umupira w'amaguru wa mbere mu gihugu cy'ubutaliyani ugaragaweho icyorezo cya Coronavirus.

Rugani amaze gukinira Juventus imikino irindwi gusa muri uyu mwaka w’imikino ndetse mu mukino ikipe ye iheruka gutsindamo Inter Milan ibitego 2-0 ku Cyumweru, yari umusimbura utarakoreshejwe.

Uyu mukinnyi umaze gutwarana ibikombe bine bya Shampiyona na Juventus, yakiniye u Butaliyani imikino irindwi, aho aheruka guhamagarwa mu ikipe y’igihugu mu 2018.


Rugani yagaragaye mu rwambariro ku cyumweru yishimira intsinzi na bagenzi be ku mukino wa Inter Milan


Rugani yabaye umukinnyi wa mbere ugaragaweho Coronavirus mu Butaliyani






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND