Airtel Rwanda
Kigali

CAF CL: TP Mazembe yasezerewe na Raja Cassablanca muri ¼ iyisanze mu rugo - AMAFOTO

Yanditswe na: SAFARI Garcon
Taliki:7/03/2020 22:34
0

Nubwo TP Mazembe y’umuherwe Moise Katumbi yatsindiye Raja Cassablanca muri Congo, byarangiye isezerewe mu mikino ya ¼ cy'irushanwa rihuza amakipe yabaye aya mbere iwayo ku mugabane wa Afurika 'Total CAF Champions League' ku kinyuranyo cy’ibitego 2-1 mu mikino yombi.



TP Mazembe yananiwe kwishyura ibitego bibiri yatsinzwe mu mukino ubanza wabereye kuri Mohammed V i Casablanca muri Marocco, isezererwa na Raja Casablanca ku giteranyo cy'ibitego 2-1, nyuma yo gutsinda igitego kimwe ku busa kitagize icyo kiyifasha.

Igitego kimwe rukumbi cya TP Mazembe cyatsinzwe na Isaac Tshibangu w’imyaka 16, wagitsinze ku munota wa 50′.

TP Mazembe yabonye amahirwe yo kwishyura ibitego bibiri ikanashyiramo ibindi byari gukora ikinyuranyo ariko abakinnyi bayo basatira ntibabyaze umusaruro amahirwe babonye.

Ku munota wa 75’ TP Mazembe yahushije uburyo bwari gutuma inganya na Raja ibitego bibiri mu mikino yombi, ubwo rutahizamu Jackson Muleka wahushije Penaliti.

Mu wundi mukino, ikipe ya Mamelody Sundowns yo muri Africa y'epfo yanganyije na Al Ahly yo mu Misiri 1-1 bituma Al Ahly ibona itike yo kuzakina imikino ya ½ kuko yatsinze umukino ubanza ibitego bibiri ku busa (2-0) mu Misiri.

Esperence de Tunis ifite ibikombe bibiri biheruka yo yasezerewe na Zamalek SC yo mu misiri iyitsinze ku kinyuranyo cy’ibitego 3-2.

Bivuze ko igikombe cya Champions League cy'uyu mwaka nubundi kizongera kigataha mu barabu kuko amakipe yose asigaye mu irushanwa ariho akomoka.


Raja Cassablanca yasezereye TP Mazembe iyisanze mu rugo


Ibitego bibiri Raja yatsindiye mu rugo byayifashije mu mukino wo kwishyura


Mazembe bayisezereye imbere y'abafana bayo







TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND