Airtel Rwanda
Kigali

Menya amatariki y’ingenzi Liverpool ishobora kwegukanamo igikombe cya Premier League cy'uyu mwaka - AMAFOTO

Yanditswe na: SAFARI Garcon
Taliki:21/02/2020 16:45
0

Kugeza magingo aya uwavuga ko Liverpool yamaze kwitegura ubukwe itegereje umunsi nyirizina ngo ihabwe umugeni ntiyaba abeshye, kuko isatira kwegukana igikombe cya shampiyona y'Ubwongereza - Premier League - cy'uyu mwaka, nyuma yo kuba isigaye irusha Manchester City iyikurikiye amanota 22 mu gihe hasigaye imikino 12 gusa ngo shampiyona isozwe.



Iyi kipe y'umutoza w'Umudage Jurgen Klopp ubu imaze kwanikira iyikurikiye - Manchester City - ku rutonde rw'agateganyo rwa shampiyona ho amanota 22.

Nyuma y'imyaka 30 yo gukora amakosa no guhusha igikombe bya hato na hato, igikombe cya mbere cya Premier League guhera mu mwaka wa 1990 bisa nkaho Liverpool ntaho cyayicikira uyu mwaka.

Witegereje neza, Liverpool ishobora kuzatwara igikombe ku mukino uzayihuza na Bournemouth ku itariki ya 7 y'ukwezi gutaha kwa gatatu.

Gusa ariko ibyo byasaba ko Liverpool itsinda imikino yayo muri icyo gihe, naho Manchester City na Leicester City ya gatatu, zigatsikira.

Icyizere ntasubirwaho Liverpool ifite ni uko gutsinda imikino itanu gusa mu mikino 12 isigaje bizaba biyihagije ngo yegukane igikombe cya shampiyona cy'uyu mwaka, ititaye k'uko andi makipe bahatanye azitwara.

Umukino wa gatanu wa Liverpool muri uru rwego izawukina na Crystal Palace yayakiriye ku kibuga cyayo cya Anfield ku itariki ya 21 y'ukwezi kwa gatatu - nubwo ushobora kwimurwa iramutse igeze muri kimwe cya kane cya FA Cup.

Igikenewe kuri  Liverpool ni ugukomeza gutsinda imikino isigayenaho Manchester City yo igakomeza gutakaza amanota.

Manchester City iramutse itsinzwe umukino umwe mu mikino yayo itatu ya Premier League iri imbere hagati y'ubu n'itariki ya 14 y'ukwa gatatu, icyo gihe byaba bivuze ko gutsinda kwa Liverpool mu mukino w'amahari uzwi nka 'Merseyside derby' uyihuza na Everton yahita iwutwariramo igikombe ku itariki ya 16 y'ukwa gatatu ku kibuga Goodison Park cya Everton.

Byaba ari ibyishimo birenzeho ku bafana ba Liverpool, cyane ko mu mukino wabahuje mu mwaka ushize warangiye ari ubusa ku busa - uwo mukino wanabaye mu y'ingenzi yayibujije kwambura igikombe Manchester City yacyegukanye.

Icyo gihe, kwitwara nabi mu ntangiriro y'ukwezi kwa gatatu nibwo Liverpool iheruka gutakaza amanota, bigatuma nubwo yatsinze indi mikino icyenda yikurikiranya bidahagije kugira ngo inyure kuri City y'umutoza Guardiola, yisubije igikombe ku munsi wa nyuma wa shampiyona irusha Liverpool inota rimwe gusa.

Ariko nanone, Liverpool iramutse itsinzwe rimwe mbere yuko ikina na City ku kibuga cyayo cya Etihad ku itariki ya 4 y'ukwezi kwa kane, ishobora kwegukanira igikombe i Manchester.

Manchester United ni yo ifite umuhigo wo kuba yaregukanye Premier League vuba cyane hashoboka, ubwo itozwa na Sir Alex Ferguson yegukanye igikombe cyo mu mwaka w'imikino 2000-2001 ku itariki ya 14 y'ukwezi kwa kane.


Liverpool igiye kwegukana igikombe cya shampiyona nyuma y'imyaka 30 itazi uko gisa


Salah ni umwe mubayifashije kugera ku musaruro mwiza muri uyu mwaka


Klopp yahesheje Liverpool  Champions League itaherukaga 


iyi kipe kandi iheruka no kwegukana igikombe cy'Isi cy'amakipe


Klopp ari kwandika amateka muri Liverpool







TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND