Airtel Rwanda
Kigali

Amatike yo kwinjira ku mukino wa ’CAF Super Cup’ yashize mbere y’amasaha 48

Yanditswe na: SAFARI Garcon
Taliki:13/02/2020 10:35
0

Mu gihe habura amasaha 48 ngo rwambikane mu gihugu cya Qatar, ahazabera umukino uzahuza amakipe(Clubs) yitwaye neza akegukana ibikombe bikinirwa ku mugabane wa Afurika, amatike yo kwinjira kuri uyu mukino yari yateganyijwe yamaze kurangira.



‘CAF Super Cup’ ni umukino ngarukamwaka, utegurwa n’impuzamashyirahamwe y’umupira w’amaguru muri Afurika ‘CAF’ ugahuza amakipe aheruka kwitwara neza muri Total CAF Champion League na Total CAF Confederation Cup.

Kuri iyi nshuro umukino wa  ‘CAF Super Cup ’ uteganijwe kuba kuri uyu wa Gatanu, tariki 14 Gashyantare 2020, ukazahuza Esperance yo muri Tunisia yatwaye igikombe cya CAF Champions League ndetse na Zamalek yo mu Misiri yatwaye igikombe cya CAF Confederations Cup,  ukazabera i Doha ho muri Qatar, Ar-Rayyan kuri Sitade ya ’Thani Bin Jassim Stadium’.

Sitade ya ’Thani Bin Jassim Stadium’ izakinirwaho uyu mukino ukomeye, yakira abantu ibihumbi 25 bicaye neza, bihwanye n’amatike yari yateguwe kugurishwa, yose akaba yamaze gushira mbere y’iminsi ibiri kugira ngo umukino nyirizina ube.

Ikipe ya Zamalek ikaba yamaze gusesekara mu mujyi wa Doha ku mugoroba wo kuri uyu wa Kabiri, mu gihe Esperance itegerejwe mu rukerera rwo ku ya 13 Gashyantare 2020.

Uyu mukino uteganyijwe kuri uyu wa Gatanu saa kumi n'ebyiri (18h00').

Ikipe ya Raja Casablanca yo mu gihugu cya Maroc akaba ariyo ifite igikombe cy’umwaka ushize yatwaye itsinze Esperance de Tunis ibitego 2-1.

Ikipe ya AL Ahly yo mu Misiri ariyo ifite ibifite ibikombe byinshi kuko imaze kwibikaho Bitandatu igarukirwa na TP Mazembe na Zamalek zinganya Bitatu.


Amatike yo kuri uyu mukino yashize


Esperance de Tunis yatwaye CAF champions League irifuza no kwegukana CAF Super Cup


Zamalek yegukanye igikombe cya CAF Confederations Cup


Uraza kuba ari umukino utoroshye hagati ya Esperance de Tunis na Zamalek






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND