MTN
Kigali

Auddy Kelly yasohoye indirimbo 5 za Gospel harimo iyo yifashishijemo Jody Phibi bavuzwe mu rukundo-ZUMVE

Yanditswe na: Janvier Iyamuremye
Taliki:15/01/2020 15:12
0

Umuririmbyi Audace Munyangango wiyise Auddy Kelly, umenyerewe mu ndirimbo ziri mu njyana ituje, yasohoye indirimbo zihimbaza Imana eshanu harimo iyo yifashishijemo umuhanzikazi Jody Phibi bavuzwe mu rukundo igihe kinini.



Iby’urukundo rwa Auddy Kelly na Jody Phibi byakajije umurengo mu 2013 ndetse bombi bakoranye indirimbo “Sinzagutererana” yakunzwe mu buryo bukomeye. Inkuru y’urukundo rwabo yagiye icyendera uko ibihe byasimburanye.

Uyu muhanzi yashyize kuri shene ye ya Youtube icyarimwe indirimbo eshanu zihimbaza Imana. Yasohoye indirimbo nka “Igitangaza”, “Imvura”, “Arakomeye”, “Reka nkubyinire” ndetse na “Umuvandimwe”.

Yabwiye INYARWANDA ko yifashishije Jody Phibi mu ndirimbo "Imvura" nk’umuhanzikazi bakoranye igihe kinini ndetse ko yari akeneye ijwi ry’umukobwa muri iyi ndirimbo y’iminota ine n’amasegonda 33’.

Auddy ati “Jody Phibi naramwiyambaje mubwira ko hari indirimbo ya ‘Gospel’ nifuza ko hajyamo ijwi ry’umukobwa ubishoboye wamfasha. Yaraje aramfasha, ntabwo yangoye.”

KANDA HANO WUMVE INDIRIMBO ESHANU ZA AUDDY KELLY

Muri izi ndirimbo eshanu harimo kandi indirimbo yise “Umuvandimwe” iri mu gitabo cy’umukrisitu yasubiyemo ku busabe bw’umubyeyi ‘uyikunda cyane’.

Uyu muhanzi aritegura gushyira hanze indi ndirimbo nshya mu byumweru bibiri biri imbere yakozwe na Producer Made Beat izasohokana n’amashusho yayo.

Auddy Kelly yamenyekanye abicyesha indirimbo nka ‘Ndakwitegereza’, ‘Sinkakubure’, ‘Ndamutse’, ‘Ruzakugarura’, ‘Nhoraho Mana’ ihimbaza Imana, ‘Ibyumve’ n’izindi nyinshi ziranga urugendo rwe mu muziki.

Umuhanzi Auddy Kelly yasohoye indirimbo eshanu zihimbaza Imana

KANDA HANO WUMVE INDIRIMBO "IMVURA" AUDDY KELLY YIFASHISHIJEMO JODY PHOBI






Inyarwanda Art studio
Inyarwanda BACKGROUND