Ikipe ya FC Barcelone yo muri Espagne ni yo iyoboye urutonde rw’amakipe yinjije amafaranga menshi kurusha andi ku Isi mu mwaka w’imikino ushize wa 2018/19 nk’uko bigaragazwa na Deloitte’s Football Money League yerekana uko amakipe akomeye yinjije mu mwaka w’imikino, Barcelone ikaba yahigitse Real Madrid yari isanzwe yicaye kuri uyu mwany
Urutonde
rwashyizwe ahagaragara kuri uyu wa Kabiri, rwerekana ko FC Barcelone ari yo
kipe ya mbere yinjije amafaranga menshi mu mwaka w’imikino wa 2018/19, angana
na miliyoni 741.1£, ikurikiwe na mukeba wayo, Real Madrid yo yinjije miliyoni
667.5£.
Igihugu
cy’ubwongereza cyaserukiwe na Manchester United iri ku mwanya wa gatatu, aho
yinjije miliyoni 627.1£. Kutagaragara mu irushanwa rya UEFA Champions League ku
nshuro ya kabiri, bishobora kuzatuma aya
mafaranga agabanyuka muri uyu mwaka w’imikino wa 2019/20.
Manchester
City na Liverpool ziri ku mwanya wa gatandatu n’uwa karindwi, aho iyi ya mbere
irushwa na Manchester United miliyoni 88.9£ mu gihe Tottenham ari iya munani,
Chelsea FC iya cyenda naho Arsenal ikaba iya 11.
Mu
makipe 20 ya mbere kuri uru rutonde rwa Money League, umunani ni ayo mu
Bwongereza ndetse nicyo gihugu gifitemo amakipe menshi kurusha ibindi muri
Shampiyona eshanu zikomeye i Burayi zirimo iy’u Bwongereza, u Bufaransa,
Espagne, u Budage n’u Butaliyani.
Chelsea
yatakaje miliyoni 96£ mu misoro mu mwaka ushize w’imikino, yasubiye inyuma
igera ku mwanya wa cyenda mu gihe andi makipe yo mu Bwongereza ari muri 20 ya
mbere yinjije menshi ari West Ham ya 18 na Everton ya 19.
Amakipe
10 ya mbere yinjije amafaranga menshi kurusha ayandi mu mwaka w’imikino wa
2019/20
1.
FC Barcelone, miliyoni 741.1 £
2.
Real Madrid, miliyoni 667.5£
3.
Manchester United, miliyoni 627.1£
4.
Bayern Munich, miliyoni 581.8£
5.
Paris Saint-Germain, miliyoni 560.5£
6.
Manchester City, miliyoni 538.2£
7.
Liverpool, miliyoni 533£
8.
Tottenham, miliyoni 459.3£
9.
Chelsea, miliyoni 452.2£
10. Juventus, miliyoni 405.2£
Manchester
United ni yo kipe yo mu Bwongereza yahoze hejuru kuri uru rutonde rwa Money
League kuva rutangiye gukorwa na Deloitte mu mwaka w’imikino wa 1996/97.
Ni
ubwa mbere ikinyuranyo kiri hagati y’ikipe ya mbere n’iya kabiri kigeze kuri
miliyoni 73.6£ nk’uko biteye hagati ya FC Barcelone na Real Madrid mu gihe
uteranyije amafaranga yose yinjijwe n’aya makipe 20 ya mbere (miliyari 9.3£),
usanga yari yongereye ku kigero cya 11% ugereranyije n’ayo mu mwaka ushize
w’imikino (miliyari 7.9£).
Mu
mwaka w’imikino wari wabanjirije uyu, wa 2017-2018, urutonde nkuru rwari
ruyobowe na Real Madrid, ikurikiwe na FC Barcelone zombie zo mu gihugu cya
Espagne.
FC Barcelone niyo kipe yinjije agatubutse ku isi mu 2018/19
TANGA IGITECYEREZO