RFL
Kigali

Umunya Iranikazi ufite umudari mu mikino Olympic yatorotse- Amafoto

Yanditswe na: SAFARI Garcon
Taliki:13/01/2020 20:16
0


Umukobwa w’umunya Iran umenyerewe mu mukino wo gutera imigeri uzwi nka Taekwondo, Kimia Alizadeh, yatorotse igihugu cye, aho bivugwa ko yerekeje mu Buholandi nyuma yo kurambirwa akarengane ndetse no gutotezwa yakorerwaga n’ubuyobozi bukuru bwa Iran bwitwaje intsinzi yabonye akegukana umudari wa Bronze mu mikino Olympic mu 2016.



Alizadeh, w'imyaka 21, yatangaje ku mbuga nkoranyambaga ko adashaka gukomeza kuba "mu buryarya, kubeshya n'akarengane". Yavuze ko ari "umwe muri miliyoni z'abagore bakandamijwe muri Iran".

Inkuru ya BBC ivuga ko Alizadeh atigeze atangaza aho aherereye, gusa hari amakuru avuga ko yariho akorera imyitozo mu Buholandi.

Mu 2016 yakoze amateka kuri Iran ubwo yatwaraga umudari wa 'bronze' muri Taekwondo mu mikino olempike ya Rio muri Brazil.

Mu byo yanditse ubu, yavuze ko abategetsi ba leta ya kisilamu ya Iran bakoresheje intsinzi ye nk'igikoresho muri poropaganda.

Uyu mukobwa atorotse mu gihe muri Iran hari imyigaragambyo yo kwamagana leta nyuma yo kwemera ko yarashe itabishaka indege ya gisiviri kuwa gatatu w'icyumweru gishize.

Alizadeh yanditse ati: "Ndi umwe muri miliyoni z'abagore bakandamijwe muri Iran bakomeje gukinisha mu myaka myinshi".

"Nambaye ibyo bambwiye byose nsubiramo ibyo bantegetse byose. Buri nteruro yose bategetse nayisubiyemo. [Ariko] Nta n'umwe ufite icyo avuze kuri bo, turi ibikoresho gusa".

Alizadeh avuga ko nubwo guverinoma yakoresheje intsinzi ye mu buryo bwa politiki, abategetsi bataburaga kumusebya bavuga ko "bidakwiye ko umugore azamura amaguru ye".

Abaturage ba Iran bavuze ibinyuranye nyuma yo kumva ko Alizadeh yabuze ubwo amakuru yavugwaga bwa mbere mu cyumweru gishize.

Abdolkarim Hosseinzadeh, umunyapolitiki muri Iran, yanenze "abategetsi badashoboye" baretse "umukozi wa Iran ahunga".

Kuwa kane, ibiro ntaramakuru Isna bya Iran byatangaje inkuru: "Inkuru mbi kuri Taekwondo ya Iran. Kimia Alizadeh yimukiye mu Buholandi." Isna yavuze ko Alizadeh yatekerezaga kuzajya mu mikino Olempike mu 2020 i Tokyo ariko adahagarariye Iran.

Avuga ku mugambi we wo kuva muri Iran, uyu mukinnyi w'umukino ntiyavuze gahunda ze, gusa yavuze ko azakomeza kuba "umwana wa Iran" aho azaba ari hose.


Alizadeh yatorotse Iran kubera akarengane no gutotezwa yakorerwaga bitwaje intsinzi yabone mu mikino Olympic


Kimia ni umwe mu bakinnyi bafite imigeri inyarutse cyane







Kimia yegukanye umudari wa Bronze 2016 mu mikino Olympic yabereye i Rio

Tags:




TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND