Urutonde rw’abakinnyi 10 bagaragaje ubuhanga mu myaka icumi ishize (2010-2020) ku Isi

10. Luka Modric

Umunya Croatia Luka Modric ni we uza ku mwanya wa cumi. Yakiniye amakipe arimo Tottenham na Real Madrid. Akaba yaratwaye ibikombe bitandukanye birimo Champions League yatwaranye na Real Madrid, Shampiyona n’ibindi bikombe bitandukanye. Yageze no ku mukino wa nyuma w’igikombe cy'Isi mu mwaka wa 2018, aho yanatowe nk’umukinnyi w’irushanwa. Ku giti cye yahawe ibikombe birimo Ballon d’Or ndetse n’igihembo gitangwa na FIFA cy’umukinnyi w’umwaka wa 2018. Ahanini kubera ibikombe yatwaye ni byo byatumye agaragara kuri uru rutonde.

9. Robert Lewandowski

Umunya Pologne Robert Lewandowski wakiniye amakipe arimo Buyer Munich ndetse n’ikipe y’igihugu ya Pologne ni we uza ku mwanya wa cyenda. Akaba yarakunze gutwara igikombe cy’umukinnyi watsinze ibitego byinshi mu gihugu cy’u Budage.

8. Sergio Ramos

Umunya Espagne Sergio Ramos, uzwiho kugira ishyaka ryinshi mu kibuga ndetse no kuyobora bagenzi be ni we uza ku mwanya wa munani. Yakiniye amakipe atandukanye arimo Real Madrid ndetse n’ikipe y’igihugu ya Espagne. Akaba yaratwaye ibikombe byinshi bitandukanye birimo Champions League eshatu zikurikiranya yatwaranye na Real Madrid ndetse n’ibindi bitandukanye. Abakunzi ba Real Madrid ntibazamwibagirwa kubera igitego cy’umutwe yatsinze ikipe ya Atletico Madrid kuri final ya Champions league mu mwaka wa 2014, bikabahesha iki gikombe.

7. Luis Suarez

Umunya Uruguay Luis Suarez wakiniye amakipe arimo Liverpool na Barcelona ni we uza ku mwanya wa karindwi. Yamenyekanye cyane ubwo yakinaga mu ikipe ya Liverpool yo mu gihugu cy’u Bwongereza akayitsindira ibitego mirongo itatu na kimwe muri Shampiyona. Si ibyo gusa yatwaranye ibikombe bitandukanye n’ikipe ya Barcelona birimo shampiyona n’ibindi bitandukanye.

6. Dani Alves

Dani Alves ukomoka mu gihugu cya Brazil ni we uza ku mwanya wa gatandatu. Ku bakunzi b’umupira w’amaguru iyo uvuze Danis Alves bahita bakumbura imikinire ye yo gukina azamuka aca ku mpande n’ubwo ari myugariro. Akaba yaratwaye ibikombe bitandukanye birimo La Liga (5), Copa del Rey (3), Champions League (2), FIFA Club World Cup (2) n’ibindi bitandukanye. Yakiniye amakipe atandukanye arimo Barcelona, Paris Saint Germais n'ayandi atandukanye.

5. Neymar

Umunya Brazil Neymar ni we uza ku mwanya wa gatanu. Yakiniye amakipe atandukanye arimo Barcelona na Paris Saint Germais.

4. Xavi

Umunya Espagne Xavi ni we uza ku mwanya wa kane. Iyo uvuze Xavi abantu benshi bahita bumva amacenga n’ama pass meza ubwo Xavi yakiniraga Barcelona. Xavi yamenyekanye cyane ubwo yakiniraga Barcelona ndetse n’ikipe y’igihugu ya Espagne yatwaye igikombe cy'isi cya 2010.

3. Andres Iniesta

Iniesta ukomoka mu gihugu cya Espagne ni we uza ku mwanya wa gatatu. Yakiniye ikipe ya Barcelona akaba ari nayo yamenyekaniyemo cyane. Iyo uvuze Iniesta abantu benshi bahita bibuka imikoranire myiza (Collaboration) ye na Xavi. Akaba yaratwaranye ibikombe bitandukanye n’ikipe ya Barcelona ndetse akaba yaratwaye igikombe cy'isi hamwe n’ikipe y’igihugu ya Espagne.

2. Cristiano Ronaldo

Igihangange mu mupira w’amaguru Cristiano Ronaldo ukomoka mu gihugu cya Portugal ni we uza ku mwanya wa kabiri. Yakiniye amakipe atandukanye arimo Real Madrid na Juventus. Yatwaye ibikombe bitandukanye birimo Champions League n’ibindi byinshi. Ku giti cye afite Ballon d’or eshanu, enye muri zo akaba yarazitwaye hagati ya 2010 na 2020. Akaba yaragiye ahabwa n'ibindi bihembo byinshi bitandukanye.

1. Lionel Messi

Ku mwanya wa mbere tuhasanga icyamamare mu mupira w’amaguru Lionel Messi ukomoka mu gihugu cya Argentine. Yatwaye ibikombe bitandukanye birimo Champions League, shampiyona ndetse n’ibindi. Si ibyo gusa yageze no ku mukino wa nyuma w’igikombe cy'isi hamwe n’ikipe ya Argentine. Ku giti cye Messi yatwaye Ballon d’or esheshatu, eshanu muri zo akaba yarazitwaye hagati ya 2010 na 2020.

Src: www.givemesport.com