MTN
Kigali

Atletico Madrid yasanze Real Madrid ku mukino wa nyuma w’igikombe cya Supercopa de España nyuma yo gusezerera FC Barcelone

Yanditswe na: SAFARI Garcon
Taliki:10/01/2020 12:53
0

Atletico Madrid yasanze Real Madrid ku mukino ya nyuma mu irushanwa ry’igikombe kiruta ibindi mu gihugu cya Espagne’ Supercopa de España’ nyuma yo gutsinda FC Barcelone bigoranye muri ½, ibitego 3-2. Mu mikino iri kubera mu gihugu cya Arabia Saoudite.



Ibitego bya Alvàro Morata na Ángel Correa mu minota ya nyuma, byafashije Atletico Madrid kugera ku mukino wa nyuma mu irushanwa rya Supercopa de España, mu mukino wabaye mu ijoro ryo kuri uyu wa Kane, mu gihugu cya Arabia Saoudite ahari kubera iyi mikino, bikaba byahaye amahirwe iyi kipe ibarizwa mu mujyi wa Madrid, ikaba igomba kwisobanura na mukeba wayo babarizwa mu mujyi umwe, iyi kipe ikaba inafite amahirwe yo gutwara iki gikombe iheruka muri 2014.

Mu gice cya mbere nta gitego cyabonetse ku mpande zombi, nubwo FC Barcelone yasatiriye izamu rya Atletico Madrid cyane binyuze kuri Messi na Griezmann,  ariko umunyezamu wa Atletico Jan Oblack aratabara.

Atlètico Madrid niyo yafunguye amazamu mu gice cya kabiri, ku gitego cyatsinzwe na Koke wahawe umupira na Ángel Correa mu rubuga rw’amahina, ahita aboneza mu rushundura. Byasabye iminota itanu gusa ngo Lionel Messi yishyure igitego  ku mupira yahawe na Luis Suárez, mu minota icyenda  gusa yatsinze ikindi gitego, ariko VAR yemeza ko yari yawukoze n’ukuboko.

Igitego cya kabiri cyatsinzwe na Antoine Griezmann ku munota wa 63, nyuma y’uko umupira wari utewe n’umutwe na Luis Suárez, Oblak awukuramo ariko Griezmann  awusubiza mu izamu, afasha Barcelone kuyobora umukino.

Gérard Piqué yon yatsinze igitego, ariko VAR na none igaragaza ko hari habayeho kurarira, nyuma yuko Barcelone yari imaze umwanya yacanye itanura imbere y’izamu rya Atletico ariko Oblack akaba umucunguzi.

Habura iminota 10 ngo umukino urangire, umunyezamu Neto wa FC Barcelone yakoreye ikosa Vitolo mu rubuga rw’amahina, umusifuzi atanga penaliti yinjijwe neza na Alvàro Morata. Ángel Correa ashyiramo agashinguracumu ku munota wa 86, ku mupira yahawe na Morata, awuteye mu izamu Neto bimunanira kuwukuramo, Barcelone ihita isezererwa, mu gihe Atletico Madrid yahise isanga mucyeba wayo Real Madrid ku mukino wa nyuma uteganyijwe kuba  ku Cyumweru tariki ya 12 Mutarama 2020 saa 20h00'.

Supercopa de España  yuyu mwaka iri gukinirwa kuri King Abdullah Sports City Stadium iri mu Mujyi wa Jeddah,  Mu gihugu cya Arabia Saoudite. Ikaba ihuje amakipe ya FC Barcelone, Real Madrid, Atlètico Madrid na Valencia.

Ishyirahamwe ry’Umupira w’Amaguru muri Espagne ryirinze kuvuga amafaranga ryishyuwe n’Abarabu kugira ngo iyi mikino ijyanwe muri Asia, ariko bikaba bivugwa ko hishyuwe asaga miliyoni 120 z’amayero mu myaka itatu (ni ukuvuga miliyoni.


Atletico Madrid yasezereye Barcelona mu minota 10 ya nyuma


Atletico Madrid ishobora kwisubiza igikombe iheruka muri 2014



Anel Correa yigaragaje muri uyu mukino










Inyarwanda Art studio
Inyarwanda BACKGROUND