MTN
Kigali

Real Madrid yageze ku mukino wa nyuma muri Supercopa de España nyuma yo kunyagira Valencia

Yanditswe na: SAFARI Garcon
Taliki:9/01/2020 14:41
0

Real Madrid yageze ku mukino ya nyuma mu irushanwa ry’igikombe kiruta ibindi mu gihugu cya Espagne’ Supercopa de España’ nyuma yo gutsinda itababariye Valencia muri ½, ibitego 3-1. Mu mikino iri kubera mu gihugu cya Arabia Saoudite.



Ibitego byatsinzwe na Toni Kroos, Isco na Luka Modrić byafashije Real Madrid kugera ku mukino wa nyuma mu irushanwa rya Supercopa de España, mu mukino wabaye mu ijoro ryo kuri uyu wa Gatatu, mu gihugu cya Arabia Saoudite ahari kubera iyi mikino, bikaba byahaye amahirwe iyi kipe yo mu bwami bwa Espagne, yo kongera kugera ku mukino wa nyuma bafite n’amahirwe yo gutwara iki gikombe baheruka muri 2017.

Real Madrid yafunguye amazamu ku munota wa 15 ku gitego cyatsinzwe na Toni Kroos ku mupira wari uvuye muri Corner  yatewe umupira ukijyana mu izamu nyuma y’uko abakinnyi ba Valencia bananiwe kuwukuramo.

Isco yatsindiye Real Madrid igitego cya kabiri ku ishoti rikomeye yateye ku munota wa 39 mu gihe Luka Modrić yashimangiye intsinzi ku munota wa 65.

Daniel Pajero yatsinze impozamarira ku ruhande rwa Valence, ku gitego cyabonetse kuri penaliti ubwo Sergio Ramos yakoze  ubwo yakoraga umupira n’ukuboko nk’uko byemejwe n’amashusho ya ‘’VAR’’.

Undi mukino wa ½ uteganyijwe ku wa Kane, ukaba uhuza FC Barcelone na Atlètico Madrid saa 21:00 hanamenyekana ikipe izahura na Real ku mukino wa nyuma uzaba ku Cyumweru saa 20:00.

Supercopa de España  yuyu mwaka iri gukinirwa kuri King Abdullah Sports City Stadium iri mu Mujyi wa Jeddah,  Mu gihugu cya Arabia Saoudite. Ikaba ihuje amakipe ya FC Barcelone, Real Madrid, Atlètico Madrid na Valencia.

Ishyirahamwe ry’Umupira w’Amaguru muri Espagne ryirinze kuvuga amafaranga ryishyuwe n’Abarabu kugira ngo iyi mikino ijyanwe muri Asia, ariko bikaba bivugwa ko hishyuwe asaga miliyoni 120 z’amayero mu myaka itatu (ni ukuvuga miliyoni.


Isco yishimira igitego cya kabiri yatsinze


Luka Modric watsinze igitego cya Gatatu



Real Madrid yageze ku mukino wa nyuma w'igikombe kiruta ibindi muri Espagne







Inyarwanda Art studio
Inyarwanda BACKGROUND