RFL
Kigali

Kiyovu Sport yasinyishije rutahizamu wakiniye ikipe y’igihugu ya Cameroon

Yanditswe na: SAFARI Garcon
Taliki:6/01/2020 17:05
0

Kiyovu Sport yamaze gutangaza ko yasinyishije rutahizamu Mbazo’o Nkoto Karim uvuka muri Cameroon wanakiniye ikipe y’igihugu ya Cameroon y’abatarengeje imyaka 17, akaba yasinye amasezerano y’umwaka umwe n’igice muri iyi kipe izwi ku kazina k’urucaca.



Ikipe ya Kiyovu Sports ibinyujije ku rukuta rwayo rwa Twitter, yatangaje ko yamaze kumvikana na rutahizamu Mbazo’o Karim uturuka mu gihugu cya Cameroon akaba yanasinye amasezerano y’umwaka umwe n’igice ayikinira.

Mbazo’o Nkoto Karim w’imyaka 20 y’amavuko bivugwa ko yari yahawe gahunda n’ikipe ya AS Muhanga kugira ngo aze kuyikinira, ariko Kiyovu Sport iza kumenya aya makuru ihita ikora gapapu itanga AS Muhanga gusinyisha uyu mukinnyi, mu gihe AS Muhanga yo yari ikimutegereje ko asesekara mu karere ka Muhanga kugira ngo yumvikane nayo.

Uyu mukinnyi nta mateka agaragara y’amakipe yakiniye gusa ariko mu mwaka wa 2017 na 2018 yakiniye ikipe y’igihugu ya Cameroon y’abatarengeje imyaka 17, mu mikino nyafurika.

Kiyovu Sport yatandukanye n’umutoza Bruchaga, iri kwiyubaka kugira ngo ishake umusaruro mwiza mu gice cya kabiri cya shampiyona y’u Rwanda mu mwaka w’imikino wa 2019-2020.

Uyu mukinnyi aje yiyongera kuri Mbogo Ally wamaze kugaruka muri Kiyovu Sports nyuma y’igihe yaraburiwe irengero.


Mbazo'o Nkoto Karim yasinye muri Kiyovu amasezerano y'umwaka n'igice azayikinira


Kiyovu Sport ifite intego yo gusoza shampiyona mu makipe ane ya mbere


Urukuta rwa Twitter rwa Kiyovu Sport nirwo rwifashishijwe gushyira hanze iyi nkuru





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND