RFL
Kigali

Aline Gahongayire yinjije abana n'ababyeyi babo mu byishimo bya Noheli-AMAFOTO

Yanditswe na: Janvier Iyamuremye
Taliki:25/12/2019 13:43
0

Umuhanzi mu ndirimbo zo kuramya no guhimbaza Imana, Aline Gahongayire yakoze igitaramo cy’umunezero yinjiza abana n’ababyeyi babo mu byishimo bya Noheli.



Iki gitaramo cyabaye mu ijoro ry’uyu wa 24 Ukuboza 2019 muri Ubumwe Grande Hotel iherereye mu Mujyi wa Kigali. Yubatse ahahoze hari ikigo cy’Igihugu gishinzwe Ubukerarugendo na Pariki z’igihugu, ORTPN.

Gahongayire yabanjirijwe n’itsinda ry’abaririmbyi ‘band’ ryacuranze umuziki guhera saa mbili z’ijoro (20h:00’).

Uyu muhanzikazi wari waniteguriye iki gitaramo yageze ku rubyiniro ahagana saa yine z’ijoro akoreye mu ngata iri tsinda ry’abasore n’inkumi bari bamaze gususurutsa abitabiriye.

Ni ku nshuro ya kabiri Gahongayire akora igitaramo ‘Christmas Eve’ kuri Ubumwe Grande Hotel.

Muri iki gitaramo yaririmbye nyinshi mu ndirimbo ze zakunzwe aho zimwe muri zo yafatanyaga n’abana bakiri bato bari bambaye imyenda ibasanisha na Père Noël.

Yaririmbye kandi n’izindi ndirimbo ziboneka mu gitabo cy’umukristu. Yaririmbye indirimbo nka ‘Ndanyuzwe’ yabaye idarapo ry’umuziki we muri uyu mwaka wa 2019, ‘Niyo yabikoze’, ‘Warampishe’, ‘Ntabanga’, n’izindi.

Ni umwe mu bahanzikazi mu ndirimbo zo kuramya no guhimbaza Imana, bamaze igihe ndetse batwaye n’amashimwe atandukanye mu muziki.

Yanamuritse Album ‘New Woman’ iriho indirimbo nyinshi zihembura imitima ya benshi.

Indirimbo nyinshi ziriho zakozwe na Ishimwe Clement Karake wa Kina Music. Uzasangaho indirimbo nka ‘Warampishe’, ‘Ni yo yabikoze’, ‘Iyabivuze’, ‘Irakora ft TMC’, ‘I see you’ Ft Serge Iyamuremye, ‘I love it’, ‘Nakumbuka’, ‘Yarahabaye’, ‘Ni nde watubuza’, ‘Awesome God’ na ‘Wandemye remix’.

Umuhanzikazi Aline Gahongayire yinjije abana mu byishimo bya Noheli


Aline Gahongayire yari afite itsinda ry'abakobwa bamufashishije kuririmba anoza neza ijwi

Gahongayire yaririmbye nyinshi mu ndirimbo ze zakunzwe kuva atangiye urugendo rw'umuziki

Ibyishimo ku babyeyi basohokanye abana babo muri Hotel Ubumwe Grande





Kanda hano urebe amafoto menshi:






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND