RFL
Kigali

UEFA Champions League: Tombola ya 1/8 isize amakipe y’ibigugu atomboranye

Yanditswe na: SAFARI Garcon
Taliki:16/12/2019 15:22
0

Kuri uyu wa Mbere i Nyon mu gihugu cy’u Busuwisi habereye tombola y’imikino ya 1/8 mu irushanwa rya UEFA Champions League, ikaba yasize Real Madrid ifite ibikombe byinshi muri iri rushanwa izakina na Manchester City, mu gihe Liverpool ifite igikombe giheruka izakina na Atletico Madrid yo muri Espagne.



Mu makipe 16 yageze muri 1/8 muri iri rushanwa rikomeye ku mugabane w’i Burayi, harimo amakipe 8 akomoka mu Bwongereza no muri Espagne (4 muri buri gihugu), amakipe 3 yo mu Butaliyani n’andi 3 yo mu Budage. Amakipe 2 asigaye akomoka mu Bufaransa.

Umwihariko w’imikino ya 1/8 muri uyu mwaka ni uko amakipe 16 yose yatomboranye akomoka mu bihugu bitanu bikomeye mu mupira w’amaguru, aribyo Ubwongetreza, Espagne, Ubudage, Ubufaransa n’Ubutaliyani. Ubwongereza na Espagne nibyo bihugu bifitemo amakipe menshi kurusha ibindi.

Chelsea yatomboye Bayern Munich byibutsa abakunzi b’umupira w’amaguru umukino wa nyuma muri iri rushanwa wabaye muri 2012, ubwo Chelsea yegukanaga igikombe itsinze Bayern Munich, bakaba bongeye guhurira muri 1/8.

Dore uko amakipe azahura muri 1/8

Borussia Dortmund vs Paris St-Germain

Real Madrid vs Manchester City

Atalanta vs Valencia

Atletico Madrid vs Liverpool

Chelsea vs Bayern Munich

Lyon vs Juventus

Tottenham vs RB Leipzig

Napoli vs Barcelona

Imikino ibanza muri 1/8 izakinwa hagati ya tariki ya 18 na 19 ndetse bongere gukina tariki 25 na 26 Gashyantare 2020, mu gihe imikino yo kwishyura iteganyijwe kuba tariki 10,11,17 na 18 Werurwe 2020.

Umukino wa Nyuma muri iri rushanwa uteganyijwe kuba tariki 30 Gicurasi 2020, ukazabera Ataturk Stadium iherereye Istanbul mu gihugu cya Turukiya, uyu mujyi ukaba waherukaga kwakira umukino wa nyuma wa Champions League mu mwaka wa 2005, ubwo Liverpool yegukanaga igikombe itsinze AC Millan.


Uko amakipe yatomboranye muri 1/8


Umukino wa FC Barcelona na Napoli uzaba utoroshye


Chelsea na Bayern Munich uzaba ari umukino w'ishiraniro


Umukino wa Atletico Madrid na Liverpool uzaba ari injyana muntu


Umukino wa Dortmund na PSG ntuzaba woroshye na gato


Umukino wa Real Madrid na Manchester City uzaba ukomeye cyane






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND