Uruganda rwenga ibinyobwa bisembuye rwa Skol Brewery LTD rufitanye amasezerano y’ubufatanye n’ikipe ya Arsenal yo mu bwongereza rwafunguye akabari k’abafana ba Arsenal bazajya bahuriramo mu gihugu hose bakaganira ku bikorwa bigamije iterambere ry’uyu muryango mugari.
Ni
igikorwa cyabaye kuri iki cyumweru mu mujyi wa Kigali i Nyamirambo muri SKOL– ARSENAL
BAR, aho abakunzi b’umupira w’amaguru byumwihariko abafana ba Arsenal bazajya
bahurira bagasabana ndetse bakanasangira ibitekerezo bigamije iterambera ry’uyu
muryango, abakunzi b’iyi kipe beretswe
umukino wahuzaga Arsenal na Manchester City warangiye iyi kipe yo mu mujyi wa
Manchester itsinze Arsenal ibitego 3-0.
Uretse
igikorwa cyo gufungura akabari k’abafana ba Arsenal, abakunzi b’iyi kipe
bashyirirwaho uburyo bwo gutombola ugatsindira ibihembo bitandukanye ku mikino imwe
n’imwe ikipe ya Arsenal yakinnye.
Buri
wese wageraga aho iki gikorwa cyabereye aba afite amahirwe yo gutombora
ibihembo bitandukanye byavuye i Londre aho Arsenal iba, bikaba biri mu buryo
bubiri buba bwateguwe. Uburyo bwa mbere ni ubwo kuraguza umutwe ukavuga uko
umukino urangira (Prediction) ubundi ugatsindira ibihembo birimo ‘Furari
z’ikipe ya Arsenal, Badges, ndetse na porteclé ziriho ikirango cya Arsenal
n’ibindi bitandukanye, ubundi buryo babwita’ Goal scoring’ aho buri mufana wese
ubishatse yageragezaga amahirwe, ni ugutera umupira uteretse muri metero ebyiri
ukawutera wawinjiza ahabugenewe ugahabwa icyo kunywa, buri wese yari agenewe
inshuro eshatu zo kugerageza.
Buri
mukunzi w’umupira w’amaguru ahabwa amahirwe yo kwifotoreza ku mupira wo gukina
wavuye i Londre wasinyweho n’abakinnyi bose ba Arsenal ndetse n’umupira wo
kwmbara wa Arsenal wavuye i Londre.
Abafana
ba Arsenal baganiriye na inyarwanda.com bavuze ko bishimiye igikorwa Skol
yatangije ko kigiye kujya kibafasha kwisanisha n’ikipe bihebeye bambara
bakanatunga bimwe mu bikoresho biriho ikirango cyayo, kandi ko bizajya
binabafasha gusabana.
Mukasa
JMV uhagarariye abafana ba Arsenal yatangaje ko bishimiye kuba babaonye igiumbi
cy’abafana ba Arsenal mu gihugu k’ubufatanye n’umuterankunga wabo Skol.
Yagize
ati” Twishimiye igikorwa cyabaye kuri uyu munsi cyo ngufungura aka kabari, kuko
iki ni igicumbi Cy’ abafana ba Arsenal
mu gihugu, tukaba tutazongera kurebera imikino y’ikipe yacu ahantu hatandukanye, tukaba tuzajya
duhurira hamwe tujye inama ndetse n’imishinga igamije iterambete ry’umuryango w’abafana
ba Arsenal mu gihugu”.
Umukozi
muri Skol ushinzwe itangazamakuru Tuyishime Karim, yatangajeimiterere y’igikorwa
bakoze kuri uyu munsi ndetse n’intego ya
Skol muri ibi bikorwa.
Yagize
ati” Iki gikorwa muri rusange tumaze igihe twaragitangiye aho Skol yegera
abafana ba Arsenal mu Rwanda, aho Arsenal isanzwe ifitanye amasezerano y’ubufatanye
na ndetse n’imikoranire na Arsenal,
ikaba ariyo mpamvu Skol ireba abafana ba
Arsenal ihereye hasi kugira ngo igire ibikorwa ikorana nabo, Intego dufite nka
Skol niyo kwegereza abakunzi ba Arsenal ikipe yabo ndetse tukabagezaho
ibinyobwa byiza bya Skol, tukaba twabwira abakunzi ba Arsenal tuti”hamwe na
Skol byose birashoboka”.
Uruganda
rwa Skol Brewery LTD rufitanye amasezerano y’ubufatanye n’ikipe ya Arsenal yo
mu bwongereza rugamije kugeza kuri byinshi abakunzi b’iyi kipe bari mu bice
byosre by’igihugu, aho hagiye kujyaho gahunda yo kubagezaho gahunda nziza
bafitiwe n’uruganda rwa Skol.
Ibikoresho bya Arsenal bya Arsenal byasinyweho n'abakinnyi bayo bose
Abakunzi ba Arsenal bafunguriwe igicumbi bazajya bahuiriramo bakareba imikino ya Arsenal banungurana ibitekerezo bigamije iterambere
Abakunzi b'umupira w'amaguru bashyiriweho promosiyo ku binyobwa bya Skol
Abakunzi b'umupira w'amaguru barebye umukino wa Arsenal na Manchester City binywera ibinyobwa bya Skol
TANGA IGITECYEREZO