Rubavu: Aline Gahongayire azitabira igiterane gikomeye cya Shiloh Shima Imana

Tariki 15 Ukuboza 2019 ni bwo iki gitaramo Shiloh Shima Imana kizaba. Nk'uko iki gitaramo kiba giteguye ubusanzwe gitumirwamo abahanzi baririmba ku giti cyabo ndetse n'amakorali atandukanye kimwe n'abavugabutumwa mu buryo bwo guhembura imbaga yitabira iki giterane.

Ntakirutimana Timothee uhagarariye abacuranzi muri Shilon Worship Team itegura iki giterane yabwiye Inyarwanda.com ko kuri iyi nshuro Shilon Shima Imana kizaba ari igiterane cy'umuriro kizaba cyuzuye ibitangaza bizanyuzwa mu masengesho ndetse n'indirimbo zizaririmbwa n'abahanzi barimo Aline Gahongayire, Mission Blaise (Umuhanzi Nyarwanda uba muri Amerika), Shiloh worship Team na Korali Ibyiringiro.

Yagize ati "Bizaba ari ibyishimo byuzuye umunezero hazabamo ibitangaza mbese Shilon Shima Imana y'uyu mwaka izaba itandukanye cyane n'izabanje. Turasaba rero ko buri munyarwanda wese ukunda Imana kuzaza gusengana natwe kandi azatahana impamba ikomeye kuri uriya munsi. Aline Gahongayire kimwe n'abandi benshi batorewe umurimo wo kuramya no guhimbaza Imana bazaba baje kwifatanya natwe batuzaniye impamba ikomeye. Shilon Worship Team turabatumiye kandi twizeye ukunyurwa no guhazwa n'Umwuka Wera".

Biteganyijwe ko kuva saa tatu za mu gitondo (9h00') hazaba amateraniro yo kuramya no guhimbaza Imana, naho kuva saa munani zuzuye (2h00') akaba ariho igiterane nyir'izina gitangira kuri A.E.B.R Mahoko ho mu karere ka Rubavu.

Rev. Pastor Samaki Isaac ni we uzabwiriza imbaga y'abazitabira Shiloh shima Imana