RFL
Kigali

Mu Rwanda habonetse itorero ryakinguye imiryango ku babana bahuje ibitsina

Yanditswe na: Liliane Kaliza
Taliki:28/11/2019 9:00
12

Nyuma yo kwamaganwa n’amadini atandukanye, mu mujyi wa Kigali, hari urusengero rwakinguye imiryango ku bakora ubutinganyi.



Iri torero ryafunguye amarembo ku babana bahuje ibitsina, ryitwa TFAM (The Fellowship of Affirming Ministries) nk'uko InyaRwanda yabitangarijwe n'umwe mu barisengeramo. Riherereye i Nyamirambo mu mujyi wa Kigali. 

Umuhanzi Kayitare Wayitare ni umwe mu basengera muri iri torero ndetse akaba ari n'umujyanama waryo. InyaRwanda.com twagerageje uko twavugana n'Umuyobozi Mukuru w'iri torero ntibyadukundira.

Mu nkuru ya RFI Afrique, umuhanzi Albert Nabonibo ukora umuziki uhimbaza Imana, umaze iminsi yiyemereye ko ari umutinganyi, avuga ko nyuma yo kubitangaza atigeze yemererwa kuririmba mu rusengero kubera ko ari umutinganyi. Yagize ati ”Nabitangaje kuko nari ndambiwe kubihisha numvaga nshaka kurenga ubwo bwoba no gutanga urugero rwiza kuri bagenzi banjye.” 

Akimara kubitangaza yabonye ubutumwa bwinshi bumusaba kureka impano ye y’ubuhanzi cyane ko yahise ahagarikwa mu itorero rye. Yagize ati”Amatorero iyo amenye ko uri umutinganyi bahita bumva ko umuziki ukora atari uw’Imana ndetse bakumva ko umuntu adakwiye kujya ahagaragara.”

Nyuma rero ni bwo iri torero ryakinguye imiryango kuri aba bantu bakora ubutinganyi aho umwe mu bayobozi baryo yabahaye ikaze ati: ”Dufite umwanya uhagije ku batinganyi, abafite ibitsina bibiri icyarimwe, abakene, abagore ndetse na ba bandi batereranywe, hano buri wese arisanga ndetse na ba bakobwa babyariye iwabo, abakobwa bafite imyaka myinshi babuze abagabo.

Mu kiganiro Lucie, umwe mu basengera muri iri torero yagiranye n’itangazamakuru, avuga ko yahisemo iryo torero kuko ntawe riheza kuko n’abatinganyi baremwe n’Imana nk’abandi.

Mu Rwanda, nta tegeko rihari rikumira ababana bahuje ibitsina kuko uyu Nabonibo yaje no gushyigikirwa na Minisitiri NDUHUNGIREHE Olivier ubwo yandikaga kuri Twitter akabwira Nabonibo ko igihugu kizamurengera nyuma yo kwirukanwa ku kazi amaze gutangaza ko ari umutinganyi.

Undi witwa Patrick w’imyaka 24 y’amavuko avuga ko yarwanijwe cyane n’amakorali atandukanye kandi azi kuririmba ariko akaba yaraziraga ko afite imiterere myinshi nk’iy’abakobwa bigatuma yirukanwa mu makorali menshi.

Ageze muri iri torero rero avuga ko yishimye ndetse ngo abasha kuririmba nta bwoba afite imbere y’’abantu kuko bo bamukunda ati: ”Nabonye ahantu njya nkisanga kandi nkifata uko ndi nta kwimunyamunya."

Src: RFI Afrique






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Ras Deo10 months ago
    Mbega umwanda ibi ntibikwiye rwose ko abakora ibidakorwa bareberwa cyangwa ngo bashyigikirwe gusa nyagasani ntazakomeza kurebera azahana ababi Bose nkuko yabikoze i Sodom
  • kaka10 months ago
    ni hatari
  • Alexis 10 months ago
    Nukuri isi irashaje kuko igeze ku mpera yayo kuko twonjyeye kujya mu bihe bya sodoma na gomora , ntibakabeshye ngo barakorera Imana kuko Imana ntiteye ityo kuko arukuyihakanisha ibikorwa byabo bibi kuko ibyo atari indanga gaciro zayo Kuko ukorera Imana agendera ku mahame y'Imana yashyizeho nukuri birakabije kuko igiye kuza guhana abanyabyaha bayigomera no kugororera aboyubaha nabakora ibyo ishaka nibyo ishima nabagendera mu mahame yayo na mategeko na mateka yayo
  • David 10 months ago
    Ibi ni nkimbwa n'ingurube zihuza ibitsina nkuko Pres.Robert Mugabe yabivuze. Abayobozi ibyo bintu babyamaganire kure kuko kinanira umuvumo igihugu. Ntibatanababuza umuntu azazira icyaha cye. Komeza icyo ufite hazagira ukwambura ikamba ryawe.
  • Niyomugabo Peter10 months ago
    Mana tabara u Rwanda. Sodomu na Gomora nicyo bazize none natwe bihawe intebe koko!!!!!ahaaa nzaba ndeba
  • Niyongabo Chriso 10 months ago
    Uko biri kose nabo bafite umwami wabo baramya gusa ikibabaje abayoboke bari kubayoboka bashobora kuba batabizi bakibeshya ko bari guhimbaza lmana rurema ariko ababayoboye Bo bashobora Kuba bazi ukuri neza kumwami baramya gusa abasenga byukuri ibi bitdutere gushyiramo akabaraga
  • Hahirwabasenga fulgence10 months ago
    Mana weeee iri torero rizafungwe Rwose ritazatuma IMANA irakarira igihugu cyacu ikatugira nka isodumu ni gomora perezida wa republic rwose iki kibazo Na kigire icye ndumva gikaze.
  • Lick loddy 50010 months ago
    Yalaaaa uziko bikaze man gsa babareke wana naamarana mutima yabo ninkuko umuntu akunda APR undi agakunda Rayon ntushobora kujija umuntu ushingie kumyemerere ye
  • BIGIRIMANA10 months ago
    Abazi Imana yabo bazakomera Kandi bakore ibyubuteari,Kandi nibitari ibi bizaza turabizi.ahubwo abo dufatanije kujya I Siyoni muhagarare mubyiringiro byanyu neza
  • Coco10 months ago
    Mukomeze mukongeze umujinya w'Uwiteka ,Imana yacu izaza ntizaceceka mwituzanira umuvumo Ku gihugu .
  • Habiyambere Jean de Dieu10 months ago
    Si isi ishaje, ntabyo kujya i Siyoni kuko umurwa mukuru wa Isirayeri uri muri itatu ku isi ikora ubutinganyi, ahubwo n'ishyano igihugu tugushije bitewe no kutagira Umuco. Ayamabi yose adushoka uko abanye,kuko twataye umuco wacu na kirazira nyarwanda, dusandarira mumico mvamahanga itagambiriye ikindi uretse kudusenya no kuduhindanya. Abayobozi b'Itorero ry'igihugu urugamba nurwanyu mufatanije nabandi banyarwanda bake bagifite umutima nyarwanda. Bitabaye ibyo tiraba ibyohe.
  • Béatrice10 months ago
    Nibakomeze bakore mu jisho rya NDIHO....azabiyereka.....ubwo Ni ubuyobe ndetse Ni agasuzuguro gakabije....ntawabashyigikira kuko ntawukeneye kurimbuka. Nta nyamaswa irayoba....none umuntu NDIHO yahaye ubwenge avangirwe bigeze aho!!! Igihano kirahari pe! Akabarore Ni Sodomu na Gomora NDIHO abatabare!


Inyarwanda Art Studio

Inyarwanda Art studio
Inyarwanda BACKGROUND