Igikorwa cy’urukundo gitera amarangamutimaku abashakanye ndetse kikongera umubano mwiza hagati yabo, kuko iki gikorwa iyo gifite inkomyi, abashakanye ntibaba babanye neza ariko icyo tugendereye uyu munsi ni ukubabwira ko iki gikorwa gishobora kuba umuti w’indwara nyinshi zitandukanye.
Aha rero hari zimwe mu ndwara udashobora gusanga ku
bashakanye kuko bakora iki gikorwa cy’urukundo.
Igikorwa cy’urukundo kirinda Indwara zifata umutima: Kubera ibyishimo bisangirwa n’abashakanye mu gihe bari mu gikorwa cy’urukundo,
bifasha cyane umutima kugira ubuzima bwiza nk'uko abahanga babivuga ko gukora
imibonano mpuzabitsina kenshi bidindiza zimwe mu ndwara zifata umutima ku
bagabo ndetse bigatuma abagore babasha kubaho igihe kinini.
Igikorwa cy’urukundo gikiza umutwe: Amakuru dukesha
abahanga mu by’ubuzima avuga ko gukora igikorwa cy’urukundo cyane birwanya
umutwe w’uruhande rumwe, ibi babitangaje ubwo bamaraga gukora
ubushakashatsi ku barwayi b’umutwe nyuma
yo kubategeka gukora imibonano mpuzabitsina kenshi bakaza gusanga nyuma y’iki
gikorwa nta muntu uba ugitaka umutwe ku munsi ukurikiyeho.
Igikorwa cy’urukundo gikiza ubwoba: Mu nkuru yashyizwe mu kinyamakuru ABC News
Australia, imibonano mpuzabitsina ituma umuntu atinyuka ndetse ikamurinda
umunaniro uhoraho kubera ivuburwa ryinshi ry’umusemburo wa ocytocines muri icyo
gikorwa.
Igikorwa cy'urukundo gikiza indwara y’ibicurane: Ubushakashatsi bwakorewe
muri kaminuza ya wilkes, bugaragaza ko abantu bakora imibonano mpuzabitsina kabiri mu cyumweru baba bafite amahirwe yo kwirinda indwara y’ibicurane ndetse n’uwari
uyirwaye agakira.
Igikorwa cy'urukundo kirinda kanseri ya prostate: Ubushakashatsi buvuga
ko kurangiza kenshi kw’abagabo bibafasha cyane kwirinda indwara ya prostate ari
nayo ivamo kanseri, ku bagabo rero iki gikorwa gifatwa cyane nk’urukingo rwa
kanseri ya prostate.
Igikorwa cy'urukundo kirinda gusaza imburagihe: Nk'uko Dr Ted Lain, ushinzwe uruhu abivuga, igikorwa cy’urukundo
kigabanya ikigero cya cortisol mu mubiri ari yo izwi nk’umusemburo w’umunaniro
ukabije bigatuma uruhu rusa neza kuko nta munaniro noneho bikanarurinda gusaza
imburagihe.
TANGA IGITECYEREZO