Umukobwa witwa Shana Ofori [Sunshine Shanna] yambitswe ikamba rya Miss Africa Arizona 2020 ahigitse abakobwa 16 bari bahataniye iri kamba.
Uyu mukobwa yemejwe n’Akanama Nkemurampaka mu birori byabaye ku mugoroba w’uyu wa Gatandatu tariki 10 Ugushyingo 2019 mu nyubako ya Bulpitt Auditorium mu Mujyi wa Phoenix muri Leta ya Arizona.
Abategura iri rushanwa bavuze ko batewe ishema no kuba uyu
mukobwa ari we wegukanye iri kamba. Yambitswe ikamba asimbura Umunya-Kenya
witwa Naomi Wanjiku wegukanye ikamba rya Miss Africa Arizona 2019. Yagaragiwe n'ibisonga bitatu.
Umunyarwandakazi Umutoni Joyeuse wabaye igisonga cya
mbere cya Miss Africa Arizona 2019, yavuze ko yishimiye kuba Shana yegukanye
ikamba kandi ‘yari ari kwiriye’.
Iri rushanwa ry’ubwiza ryari rihurije abakobwa bakomoka muri Afurika ariko batuye muri Leta ya Arizona muri Leta Zunze Ubumwe za Amerika mu rwego rwo guteza imbere umuco n’umurage wa Afurika.
Mu mwaka wa 2018 iri rushanwa ryitabiriwe n’abarimo umunyarwandakazi Umutoni Joyeuse wagize amahirwe yo gutsindira umwanya w’igisonga cya mbere ndetse atorwa nka Miss Popularity.
Mu bakobwa 10 bari bahataniye ikamba rya Miss Africa Arizona 2020 nta munyarwandakazi ugaragaramo kuko uwari wabashije kuryitabira atageze mu cyiciro cya nyuma.
Umunya-Ghana yambitswe ikamba rya Miss Africa Arizona 2020
Umunya-Kenya wegukanye ikamba rya Miss Africa Arizona 2019
Byari ibyishimo kuri Shana wegukanye ikamba rya Miss Africa Arizona 2020
Abakobwa 16 bari bahataniye ikamba
Umunyarwandakazi Umutoni Joyeuse wambitswe ikamba ry'igisonga cya mbere cya Miss Africa Arizona 2019
TANGA IGITECYEREZO