Umwana wamamaye kubera kubyina "Kungola" yabaye ikimenyabose no mu mahanga

Imbere y’aba banyeshuri haba hari umwana muto wambaye ibirenge,  imyenda ishaje cyane ndetse itameshe ariko afite ubuhanga bukomeye cyane ku mbyino ya Guara Guara igezweho muri iyi minsi.

Abantu benshi batunguwe no kubona umwana muto byongeye wo mu cyaro mu muryango utsihoboye, abasha kubyina izi z’abasirimu mu buryo buryoheye ijisho. Abakoresha imbuga nkoranyambaga mu Rwanda bavuze cyane Bunani, bigera no mu bindi biguhu nabo bakoresha aya amashusho berekana ko impano ye itangaje.

Muri Nigeria nibo bagaragaje ko bishimiye impano ya Bunani barimo umunyamakuru ukomeye Tunde Ednut, Televiziyo ya Trace Naija, Konti ya Instagram yitwa Chopdaily ishyirwaho amashusho y’imbyino rukurikirwa n’abarenga ibihumbi 450, Urubuga rwa Simulizi na Sauti rwo muri Tanzaniya n’ahandi hatandukanye.

Ukoresha amazina ya Akulo Sam’s Ochens yashyize amashusho y’umwana kuri facebook ku cyumweru kugeza ubu akaba amaze kurebwa inshuro ziburaho gato miliyoni ebyiri.

Umunyamakuru Irene Murindahabi uherutse gusura uyu mwana yasanze abana na nyina gusa, kandi bariho mu buzima butari bwiza. Hari abantu biyemeje kumushakira imfashanyo mu bijyanye n’imibereho ariko ntawe uramenyekana ushobora kumufasha kumenyekanisha impano ye.