Inyama zitukura, intandaro yo kurwara kanseri

OMS ivuga ko inyama zitukura zirimo iz’inka, ingurube, intama, ihene n’izindi zahinduwe nka za sosiso ari mbi cyane kuko zitera kanseri nubwo umuntu atahita avuga ko kurya inyama zitukura biter kanseri ahubwo kuzirya ukarenza izo umubiri ukeneye gukoresha nibyo bivamo iyi ndwara ikomeye

Ni kimwe rero no kurya inyama zahinduwe kuko abahanga bemeza ko zo zigira ingaruka nk’iz’umuntu wanyoye itabi gusa nanone ntiwavuga ko inyama zahinduwe ari mbi ahubwo biterwa n’ikigero cy’izo wafashe

Nubwo inyama zitukura ari nziza ku buzima bw’umuntu OMS ivuga ko abantu badakwiye kureka kurya inyama ahubwo abantu bakwiye kuzirya mu rugero rukwiye mu rwego rwo kwirinda kanseri ndetse n’izindi ndwara ziterwa no gufata ikigero kinini cy’inyama nka za diabete ndetse n’izindi ndwara zifata umutima na za infection zitandukanye

Abahanga rero avuga ko ba bantu bakunda akaboga cyane ndetse bumva katabura ku mafunguro yabo ya buri munsi bakwiye kugabanya kuko kwirinda biruta kwivuza cyangwa se niba wumva utakwihanganira gufata amafunguro ariho inyama, gerageza urye inyama z’umweru nk’iz’inkoko, urukwavu ndetse n’isamake