MTN
Kigali

Prophet Sultan yakiriye anatura umugisha ku mfura ya Young Grace-AMAFOTO

Yanditswe na: Janvier Iyamuremye
Taliki:29/10/2019 8:13
0

Prophet Sultan Eric Umushumba w’Itorero River of Joy and Hope Ministries, kuri iki cyumweru tariki 27 Ukwakira 2019, yakiriye mu Itorero rye Diamante imfura ya Young Grace amwaturaho umugisha no kugirirwa neza n’Imana.



Umuraperi Abayizera Marie Grace wamamaye mu muziki ku izina rya Young Grace, asanzwe ari Umuyoboke w’Itorero River of Joy and Hope Ministries. Ku cyumweru imfura ye yakiriwe muri iri torero arasengerwa anaturirwaho amagambo y’umugisha n’Intumwa y’Imana, Sultan Eric.

Yifashishije amagambo aboneka muri ‘Zaburi 127: 3-5’, Prophet Sultan, yavuze ko abana ari impano itangwa n’uhoraho kandi urubyaro ‘ni byo bihembo atanga’.

Ati “…Abahungu umuntu abyara akiri umusore bagira akamaro, bamubera nk’imyambi intwari ifite ku rugamba. Hahirwa uwabyaye benshi, bamubera nk’imyambi yuzuye umutana. Bene uwo ntazatsindwa, ntazatsindwa naburanira n’abanzi be aho ibibazo bikemurirwa.’’

Yabwiye Young Grace ko umukobwa we (Diamante) yibarutse ari ‘mwiza ahebuje’.

Young Grace nawe yanditse kuri konti ya instagram asabira umugisha ‘umushumba we’ Sultan iteka n’iteka. Uyu muraperikazi yabyaranye na Rwabuhihi Hubert wamenyekanye ku izina rya Pique, urukundo rw’aba bombi rwajemo agatotsi nyuma y’uko babyaranye.

Diamante wa Young Grace yabonye izuba ku wa Gatandatu tariki ya 24 Kanama 2019 saa kumi n'iminota ine z'igitondo. Yavukiye mu bitaro bya Gisenyi mu karere ka Rubavu. Yavutse nyina yaramuhimbiye indirimbo yise ‘Diamante’.

Umwana yamuhaye isezerano agira ati "Nguhaye ikaze mfura yanjye Diamante, nzagukunda, nzagutetesha, nzagutonesha, ntacyo uzamburana, iryo ni isezerano nguhaye."

Prophet Sultan yatuye umugisha kuri Diamante wa Young Grace

Sultan yakiriye umukirisitu mushya mu Itorero rye

Young Grace yashimye Prophet Sultan avuga ko ari umushumba we iteka n'iteka

Young Grace amaze iminsi asangiza abamukurikira ubuzima bw'umwana we




YOUNG GRACE -A LIFE WITH DIAMANTE EP 01









Inyarwanda Art studio
Inyarwanda BACKGROUND