Umunya-Nigeria Patrick Nnaemka Okorie waryubatse mu muziki ku izina rya Patoranking, yageze i Kigali mu ijoro ry’uyu wa 08 Ukwakira 2019, yitabiriye igitaramo gitangiza ihuriro ry’urubyiruko nyafurika rizwi nka ‘Youth Connekt Africa 2019 rizaba tariki 9-11 Ukwakira 2019.
Yamenyekanye birushijeho mu ndirimbo nka ‘My woman My Everything’, ‘Garlie O’, ‘God Over Everything’, ‘Heal D world’ n’izindi. Yageze ku kibuga cy’indege mpuzamahanga cya Kigali saa tatu n’iminota 50’, nta kiganiro yagiranye n’itangazamakuru.
Azaririmbira muri Kigali Arena kuri uyu wa 09 Ukwakira 2019 mu gitaramo kizaba ku mugoroba azahuriramo n’abahanzi nyarwanda barimo Bruce Melodie, Queen Cha, itsinda rya Charly&Nina na Meddy ukubutse muri Seychelle.
Agiye gutaramira i Kigali nyuma y’uko muri Gicurasi 2019 yashyize ku mugaragaro album yise ‘Wilmer’ yifashishijeho abahanzi batandatu barimo Bera, Nyashinski, Busiswa, Dadju, Donae’o na Davido.
Ni album ya kane uyu muhanzi yashyize hanze kuva yatangira umuziki. Iyi Album yayikoze ayishyizeho umutima na ‘roho’ ayitezeho kuzafasha benshi bacitse intege mu buzima bakeneye uwabwira amagambo yabafasha kwongera guhaguruka bagakomeza urugendo.
Mbere yo kuza i Kigali, ku wa 07 Ukwakira 2019 Patoraking yanditse ku rukuta rwa Twitter, agira ati “Kigali uyu ni umwihariko tuzabonane ku wa Gatatu.” Ku wa 25 Ukwakira 2019 afite ikindi gitaramo gikomeye azakorera muri Uganda, yabitangarije kuri Twitter, kuwa 05 Ukwakira 2019.
Patoranking yageze i Kigali
REBA HANO UBWO PATORANKING YARI AGEZE I KIGALI
Eng
RSS 
TANGA IGITECYEREZO