RFL
Kigali

Basketball: Patriots BBC yatwaye igikombe cya shampiyona 2018-2019- AMAFOTO

Yanditswe na: Mihigo Saddam
Taliki:22/09/2019 8:02
0


Ikipe ya Patriots BBC yatwaye igikombe cya shampiyona 2018-2019 itsinze REG BBC (65-59) mu mukino w’umunsi wa karindwi w’imikino ya kamara mpaka (Playoffs), umukino wa nyuma wakinwe ku mugoroba w’uyu wa Gatandatu tariki 21 Nzeri 2019 muri Kigali Arena.



Umukino wa karindwi (7) amakipe yawukinnye nyuma y’uko mu mikino itandatu bakinnye buri imwe yatsinzemo imikino itatu (3:3). Umukino wa karindwi rero wasize Patriots BBC itwaye igikombe itsinze REG BBC amanota 65-59 (10-10, 25-13,13-19, 17-17).



Patriots BBC bashyikirizwa igikombe 

Muri uyu mukino, Patriots BBC yari ifite ishyaka n’imibare irimo amayeri menshi kurusha REG BBC itari ifite uburyo bwinshi bwo gukora amanota.

Ndizeye Niyonsaba Dieudonne wa Patriots BB yatsinze amanota 22 mu mukino mu gihe Kaje Elie ari we mukinnyi wa REG BBC wamuje hafi n'amanota 13 mu gihe Mukengerwa Benjamin na we ukinira REG BBC yatsinze amanota 12.


Niyonsaba Ndizeye Dieudonne yatsinze amanota 22 mu mukino 


Patriots BBC bamanika igikombe 

Mugabe Arstide kapiteni wa Patriots BBC yatsinze amanota icyenda (9) anatanga imipira irindwi (7) yabyaye amanota (assists), umukinnyi waje hafi mu gutanga imipira ibyara amanota ni Kaje Elie wa REG BBC watanze imipira itanu (5).


Patriots BBC bazasohoka mu mikino Nyafurika y'amakipe yabaye aya mbere iwayo

Ptariots BBC yisubije igikombe cya shampiyona kuko ni nayo ifite icy’umwaka w’imikino 2017-2018 kuko nacyo yagitwaye itsinze REG BBC amanota 64-57.


Igor Kovacevic umutoza wa REG BBC 



Ibyishimo by'abakinnyi ba Patriots BBC 



Ndizeye Niyonsaba Dieudonne wa Patriots BBC yatsinze amanota 22

REG BBC iheruka igikombe yatwaye mu mwaka wayo wa mbere (2016-2017), nta mahirwe yagize mu mikino ya Playoffs y’uyu mwaka kuko yagize aho itsinda Patriots BBC imikino itatu ikurikirana mbere y’uko iyigaranzura ikanayitwara igikombe cyayo cya gatatu kuva mu 2017.

Patriots BBC yahise ibona itike yo kuzahagararira u Rwanda mu mikino Nyafurika ihuza amakipe yabaye aya mbere iwayo. Bahawe igikombe kizongerwaho miliyoni ebyiri (2,000,000 FRW) nk’uko amasezerano FERWABA yagiranye na BK abivuga.

Dore amakipe yatwaye igikombe cya shampiyona kuva mu 2010:

2019-Patriots BBC,2018 – Patriots,2017 – REG,2016 – Patriots,Espoir (2012, 2013, 2014, 2015),2011 – Kigali Basketball Club na2010 - APR BBC.

Patriots BBC batwaye igikombe cya shampiyona inshuro ebyiri batsinze REG BBC


Mugabe Arstide kapiteni wa Patriots BBC nyuma yo kurangiza umwaka w'imikino yamwenyuye

Sagamba Sedar (5) wa Patriots BBC imbere ya Kubwimana Kazingufu Ally kapiteni wa REG BBC



Ruzigande Ally (25) imbere ya Kaje Elie (13)


Hagumintwari Seteve azamuka hejuru ashaka gutsinda


Sagamba Sedar ahana ikosa


Nshobozwabyosenumukiza Jean Jacques Wilson (4) ahatana na Mugabe Arstide (88)


Ngwijruvugo Patrick umutoza wungirije wa REG BBC


Kaje Elie wa REG BBC yatsinze amanota 13 mu mukino


Igor Kovacevic umutoza wa REG BBC yinjiza Nshizirungu Patrick (11)


Bukuru Joseph (99) abyigana na murumuna we Kaje Elie





Shyaka OLivier ahana ikosa

Mukengerwa Benjamin (3) azamukana umupira hafi ya Mugabe Arstide (88)


Uva Ibumoso: Ruahamiriza Jean Sauveur, Shema Maboko Didier na Gaga Didier abasifuzi mpuzamahanga basifuye uyu mukino wa nyuma


Sintex ni we muhanzi waririmbye muri uyu mukino



The Baddest na we yaje nyuma gato abyinira abantu biratinda


Makiadi Ongea Michael umukinnyi ukomeye wa Patriots BBC uva muri Kenya


Patriots BBC basoje urugamba barutsinze

Patriots BBC yatangiye iyi mikino itsinda REG BBC amanota 67-58 mu mukino wa mbere wabereye muri Kigali Arena. Gusa umukino wa kabiri batsinzwe amanota 66-65 mbere yo gutsindwa amanota 64-59 mu mukino wa gatatu. Umukino wa kane batsinzwe na REG BBC amanota 63-62. Mu mukino wa gatanu (Game 5),  Patriots BBC yatsinze REG BBC amanota 69-61. 

Mu mukino wa gatandatu, Patriots BBC yatsinze REG BBC amanota 78-60 mbere y'uko bayisubira mu mukino wa karindwi n(7) n'amanota 65-59 bakanabatwara igikombe.


Abakinnyi ba Patriots BBC bateruye Henry Mwinuka umutoza mukuru 

PHOTOS: Saddam MIHIGO (Inyarwanda.com)







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND