Kuri uyu wa Gatatu tariki 18 Nzeli 2019 Nyampinga w’u Rwanda 2019, Nimwiza Meghan na Miss Rwanda 2018, Iradukunda Liliane bagiriye uruzinduko rw'iminsi ibiri mu Ntara y’Uburasirazuba ku bufatanye n’umushinga Hinga weze.
Muri uri ruzindiko aba bakobwa bifatanyije n’abanyeshuri bo ku ishuri rya Ruramira aho bakoreye hamwe akarima k’igikoni. Ni mu rwego rwo gukangurira urubyiruko kwitabira ubuhinzi bahangana n’imirire mibi.
Miss Nimwiza na Miss Liliane bafatanyije kandi n’abanyeshuri gutera ibiti mu mbago z’ikigo. Babwiye aba banyeshuri gukomeza kwita umunsi ku munsi ku biti bateye kugira ngo bizakure neza; mu biti bateye harimo imyembe.
Miss Nimwiza Meghan yambitswe ikamba rya Nyampinga w’u Rwanda 2019 mu Ijoro rya tariki 26 Mutarama 2019. Afite umushinga wo gufasha urubyiruko kwinjira mu buhinzi buteye imbere, abakiri bato bakihangira imirimo kandi n’u Rwanda rukagira abashoramari bakiri bato b’abahinzi.
Miss Nimwiza Meghan na Miss Iradukunda Liliane mu kigo cy'amashuri cya Ruramira
Miss Nimwiza Meghan na Miss Liliane Iradukunda banditse mu gitabo cy'abashyitsi
Ba Nyampinga bavomereye akarima k'igikoni
Ba Nyampinga bateye ibiti birimo imyembe
Miss Nimwiza Meghan akangurira abanyeshuri gukunda ubuhinzi
AMAFOTO: Instagram@missrwandadotrw
Eng
RSS 
TANGA IGITECYEREZO