ParaVolleyAfrica 2019: U Rwanda rwabanje gutsinda Misiri mbere y’uko bahurira ku mukino wa nyuma kuri uyu wa Kabiri

Ni umukino uje nyuma y’uko ikipe y’u Rwanda yakoze akazi ko gutsinda Misiri mu mikino ibiri bahuyemo muri iri rushanwa ryatangiye tariki 15 Nzeli 2019.

Umukino wa kabiri wahuje aya makipe yombi ku mugoroba w’uyu wa Mbere tariki 16 Nzeli 2019, u Rwanda rwatsinze Misiri amaseti 3-1 (25-15, 25-13, 21-25 na 25-22).

Ikipe y'u Rwanda yishimira gutsinda Misiri inshuro ebyiri mu irushanwa rimwe 

Misiri yatsinzwe n’u Rwanda mu mukino ubanza amaseti 3-1 (26-24, 15-25, 25-22 na 25-20) mu mukino ubanza wabahuje ku Cyumweru.

Nyuma y’uyu mukino, u Rwanda rwahise rusoza imikino ruri ku mwanya wa mbere n’amanota 12 mu mikino ine (4) bakinnye.

Umukino w'u Rwanda na Misiri 

Misiri iri ku mwanya wa kabiri n’amanota atandatu (6) kuko batsinze Kenya mu mikino ibiri bahuye. Kenya yasoje ku mwanya wa gatatu ikaba igombwa guhabwa umudali wa “Bronze” nk’ikipe yabaye iya gatatu.

Ikipe itsinda muri uyu mukino irahita ikatisha itike y’imikino Paralympique izabera i Tokyo mu Buyapani mu 2020.

Misiri iramutse itsinze umukino wa nyuma ni byo byaba bifite ishingiro kurusha u Rwanda rwatsinze imikino ibanza