Umuhanzi Irabizi Edouce waryubatse mu muziki nka Edouce Softman, yamaze gushyira ahagaragara amashusho y’indirimbo nshya yise ‘Magic’ igizwe n’iminota itatu n’amasegonda 38’.
Iyi ndirimbo ‘Magic’ yasohotse kuri iki cyumweru tariki 15 Nzeli 2019. Amajwi (Audio) yayo yatunganyijwe na Producer Pastor P wakoze nyinshi mu ndirimbo zakunzwe. Ifatwa ry’amashusho ryayobowe na Bagenzi Bernard.
Edouce yatangarije INYARWANDA ko amajwi (Audio) yayishyuriwe na Nsanzamahoro Denis wamamaye nka ‘Rwasa’ muri filime nyarwanda witabye Imana ku wa 05 Nzeri 2019.
Yavuze ko iyi ndirimbo ‘Magic’ ari urwibutso rudasaza yasigiwe na ‘Rwasa’ azahora umwibukiraho. Ati "Ni byinshi nzamwibukiraho. Iyi ndirimbo ni urwibutso yansigiye uko nzajya nkirebe cyangwa se nkayumva nzajya muzirikana nsinzigera mwibagirwa mu mutima wanjye"
Yungamo ati “Ndatekereza ko ntuzankomokaho wese azabimenya ko ise yari afite inshuti ikomeye yigeze kubaho yitwa ‘Rwasa’.” Indirimbo ‘Magic’ ivuga ku rukundo rw’abantu babiri bagirana ibyishimo bikomeye mu gihe cyose bari kumwe.
Hari aho uyu muhanzi aririmba agira ati “Ni wowe unkunda nkanyurwa nkaryoherwa n’ubuzima…ni wowe ubansha kunsetsa..ngaho mpa ikiganza tujyane twigire kuwundi mu bumbe,” Uyu muhanzi yari aherutse gushyira hanze indirimbo yise ‘Ntafatika’ imaze amezi ane isohotse.
Ni indirimbo yamufashije kwongera kwisanga mu ruhando rw’abanyamuziki bo mu Rwanda. Imaze kurebwa n’abarenga ibihumbi 40 ku rubuga rwa Youtube.
Edouce yashyize ahagaragara indirimbo nshya yise 'Magic'
Edouce avuga ko azahora azirikana urwibutso yasigiwe n'umukinnyi wa filime 'Rwasa' witabye Imana
KANDA HANO UREBE AMASHUSHO Y'INDIRIMBO "MAGIC' YA EDOUCE SOFTMAN
Eng
RSS 
TANGA IGITECYEREZO