Robert Mugabe wahoze ari Perezida wa Zimbabwe yitabye Imana ku myaka 95 nyuma y'igihe yari amaze ari kuvurirwa muri Singapore.
Urupfu rwa Robert Gabriel Mugabe wari ufite imyaka 95 rwatangajwe n'umwe mu bo mu muryango we nk'uko tubikesha BBC. Robert Mugabe yayoboye Zimbabwe kuva mu 1980 kugeza mu 2017 ahiritswe ku butegetsi n'abasirikare kubera igitutu cy'imyivumbagatanyo ya rubanda.
Onathan Moyo wahoze ari umuvugizi wa
Robert Mugabe yanditse kuri Twitter amagambo aca amarenga y'ibyabaye ati:
"Igicu kirabuditse hejuru ya Zimbabwe no hirya yayo. Imana yaraduhaye, Imana
yisubije; Izina ry'Imana nirishimwe".
Mu
ntangiriro z'ukwezi gushize muri uyu mwaka wa 2019 Emmerson Mnangagwa wasimbuye Robert Mugabe ku butegetsi yatangaje ko
umukambwe Robert Mugabe amaze amezi ane ari mu bitaro muri Singapore.
Yagize ati: "Bwana Mugabe waharaniye ubwigenge
bw'igihugu cyacu amaze igihe avurwa kandi aragenda yoroherwa". Ndetse
yavugaga ko ashobora gusezererwa mu gihe cya vuba.
Bwana Mugabe ni we washinze ishyaka rya Zanu-PF ryaharaniye
ubwigenge bwa Zimbabwe, afatwa nk'intwari y'iki gihugu, yahiritswe ku butegetsi
agifite abakunzi benshi mu gihugu.
Ni umutegetsi wari uzwi cyane ku isi no muri Afurika
by'umwihariko kubera gutinda cyane ku butegetsi, kurwanya abazungu no kubambura
ibikingi byabo muri Zimbabwe.
Mu bihe bya byuma by'ubutegetsi bwe ariko ubukungu bwa
Zimbabwe bwaraguye mu biryo butigeze bubaho mbere, ifaranga ry'igihugu ryataye
agaciro inshuro zirenga miliyoni 100.
Ibihe by'ingenzi byamuranze:
-Robert
Mugabe yavutse mu cyahoze ari Rhodesia tariki 21 z'ukwa kabiri 1924 yiga mu
mashuri ya kiliziya gatolika aba umwalimu.
-Yize
muri kaminuza ya Fort Hare muri Afurika y'epfo nyuma ajya kwigisha muri Ghana,
aho yafashe ibitekerezo by'ubwigenge bya Kwame Nkrumah, anahashakira umugore we
wa mbere Sally.
-Mu
1964 ari muri Rhodesia, yise guverinomana y'abazungu 'cowboys', yarafashwe
afungwa imyaka irenga 10 nta rubanza. Umwana we w'umuhungu yapfuye afunze
yangirwa no kujya kumushyingura.
-Mu
1973 nubwo yari agifunze, yatorewe kuyobora ishyaka Zanu, arekuwe yahise ajya
muri Mozambique atangiza intambara kuri Rhodesia.
-Mu
1976 yavugiye i Londres ko igusibuzo cyonyine cyo guha ubwigenge bwa Zimbabwe
ari imbunda.
-Mu
1979 batangaje ubwigenge, Rhodesia yitwa Zimbabwe, mu 1980 haba amatora
arayatsinda aba minisitiri w'intebe.
-Yavuguruye
ubukungu bwa Zimbabwe bushingira ku buhinzi n'uburezi.
-Hagati
mu myaka ya 1980 yashinzwe ubwicanyi bw'ibihumbi by'abo mu bwoko bwa Ndebele
bashinjwaga gushyigikira Joshua Nkomo wamurwanyaga.
-Mu
1987 yavanyeho umwanya wa minisitiri w'Intebe aba Perezida, mu 1996 yatorewe
manda ya gatatu.
-Muri
uyu mwaka yarongoye Grace Marufu nyuma y'uko umugore we wa mbere yishwe na
Cancer, bashakanye ariko n'ubundi bamaze kubyarana kabiri, umwana wabo wa
gatatu yavutse Mugabe afite imyaka 73.
-Mu
2000 yugarijwe cyane n'ishyaka MDC ritavuga rumwe nawe rya Morgan Tsvangirai.
IMANA IMUHE IRUHUKO RIDASHIRA
TANGA IGITECYEREZO