Breaking: Moustapha Francis wari muri Gormahia yasinye muri Bugesera FC

Tariki 26 Kamena 2018 ni bwo Moustapha Francis yasinye muri Gormahia FC, ikipe iba mu cyiciro cya mbere muri Kenya ikaba inafite igikombe cya shampiyona 2018-2019.

Aganira na INYARWANDA, Moustapha Francis yemeye ko yasinye amasezerano y'umwaka umwe aho kuba ibiri nk'uko bimenyerewe mu Rwanda.

"Ntabwo nasinye amasezerano y'imyaka ibiri nk'uko bimenyerewe ahubwo nasinye umwaka umwe". Moustapha

Moustapha Francis yasinye umwaka umwe muri Bugesera FC 

Moustapha Francis yagiye muri Gormahia FC avuye muri SC Kiyovu, ikipe yari yatsindiye ibitego icumi mbere yo kubengukwa na Gormahia FC.

Moustapha Francis yageze muri Bugesera FC nyuma yo kuba akubutse mu mikino y’igikombe cya Afurika cy’ibihugu (AFCON 2019) aho yari mu ikipe y’igihugu y’u Burundi yari yabonye itike ku nshuro ya mbere mu mateka.

Moustapha Francis yagiye muri Gormahia Fc avuye muri SC Kiyovu

Bugesera FC yaciye agahigo ko kuba ikipe ibashije gusinyisha umukinnyi wakinnye AFCON 2019 ihita iba ikipe ya kabiri ifite umukinnyi wakinnye AFCON 2019 kuko Mukura VS ifite Gael Duhayindavyi.