FC Barcelona irakina umukino wa mbere wa Shampiyona idafite Messi

Ni umukino uri buze gutangira saa tatu z'ijoro aho ikipe ya FC Barcelona iri busure Athletic Bilbao. Mu mukino ufungura Shampiyona y’igihugu cya Esipanye (La liga) nyuma y’imyaka isaga 10 iyi kipe irakina idakina umukino wa mbere idafite Messi umukinnyi wayo, ufatwa nk’umukinnyi wa mbere ku Isi dore ko afite ibihembo bitanu bihabwa umunnyi mwiza ku Isi.

Lionel Messi kapiteni wa FC Barcelona utari bukine umukino wa mbere wa shampiyona

Umutoza mukuru wa FC Barcelona, Ernesto Valverde yavuze ko atifuza kuba yakinisha Lionel Messi ku mukino wa mbere wa Shampiyona, ahura na Athletic Club, kuko atarakira neza. Yunzemo ko aramutse amukinishije imvune ye ishobora kuba yakwiyongera.

Uyu mukinnyi ukomoka mu gihugu cya Argentine yavunikiye mu mikino ya Copa America, aho yaje kugira imvune ku kuguru inyuma. Imvune yagize yitwa 'Calf injury'. Nyuma y’uko Messi agize iyi mvune ntabwo yajyanye n’ikipe mu mikino yo kwitegura shampiyona (Preseason), aho yakomeje gukora imyitozo ku gite.

Amakuru y’uko Messi atari bugaragare mu bakinnyi 18 baza gukoreshwa muri uyu mukino yagiye hanze nyuma y’uko hatangajwe aba bakinnyi we ntagaragararemo.

Dore uko imikino yo ku munsi wa mbere iteganyijwe muri shampiyona y’igihugu cya Esipanye (La Liga):

Ku wa Gatanu tariki ya 16 Kanama 2019

Athletic Bilbao            vs         Barcelona

Ku wa Gatandatu tariki ya 17 Kanama 2019

Celta Vigo       vs         Real Madrid

Valencia          vs         Real Sociedad

Mallorca          vs         Eibar

Leganes           vs         Osasuna

Villarreal         vs         Granada

Kuwa cyumweru tariki ya 18 Kanama 2019

Deportivo Alves vs Levante

Real Betis vs Real Valladolid

Atletico Madrid vs Getafe

Espanyol vs Sevilla

Iyi mikino yose turaza kuyikurikirana kuri canal, aho irakugezaho imikino yose ku mashusho adacikagaruka kandi meza ya HD (High Definition).