Inyarwanda art Studio
Kigali

Bayern Munich irifuza Philippe Coutinho ku ntizanyo y’igihe kirekire

Yanditswe na: Mugabe Jean Paul
Taliki:13/08/2019 12:28
0

Bayern Munich yatangiye ibiganiro na FC Barcelona byo kuba yasinyisha Philippe Coutinho ku ntizanyo y’igihe kirekire akaba yava muri FC Barcelona akerekeza muri iyi kipe muri iri gura n’igurishwa mbere ya Nzeri tariki ya 2 uyu mwaka.



Ikipe ya FC Barcelona irifuza kuba yatanga bamwe mu bakinnyi bayo nyuma y’uko iguze abakinnyi benshi kandi iri no gushaka kugura Neymar muri iri gura n’igushwa. Iri gushaka ko itegeko rya Financial Fear Player ritayigonga (itegeko ryo kuba ikipe yakoresha amafaranga menshi aruta ayo yinjije), ku isonga umukinnyi ushobora kuba yava muri iyi kipe ni Philippe Coutinho.

Philippe Coutihno wifuzwa cyane na FC Barcelona

Mu gihe FC Barcelona iri gushaka kuba yasinyisha Neymar iri gushaka kuba yagurisha uyu mukinnyi wahoze akinira Liverpool, nyuma y’uko ikipe ya Paris Saint-Germain yanze ko bayiha umwe mu bakinnyi bayo ndetse bakababongera amafaranga, aho yababwiye ko iyi kipe niba yifuza Neymar igomba gutanga amafaranga gusa, bakenera umukinnyi bakazamugura ku ruhande.

Nk'uko tubikesha Radio ya Catalan yitwa RAC1, FC Barcelona iri kuvugana na Bayern Munich kuba yabaha Coutinho nk’intizanyo y’igihe kirekire mbere y’uko igura n’igurishwa rifunga ku mugabane w’u Burayi. Iyi Radio yavuze ko amakipe yombi ashobora kuba yaramaze kumvikana igisigaye ari ukubishyira mu bikorwa. 

Coutinho ashobora kuva muri FC Barcelona mbere y’uko igura n’igurishwa rifungwa ku mugabane w’u Burayi mbere ya tariki ya 2 Nzeri 2019. Uyu mukinnyi ukomoka mu gihugu cya Brazil ufite imyaka 27 y’amavuko yifuzwaga na Tottenham ndetse na Arsenal ariko igura n’igurishwa rifungwa mu gihugu cy’u Bwongereza aya makipe atumvikanye na FC Barcelona.

Umutoza mukuru wa FC Barcelona, Ernesto Valverde yanze kugira icyo atangaza kukuba yarekura uyu mukinnyi aho yavuze ko yifuza kuba yamugumana ko acyimukeneye muri iyi kipe. Philippe Coutinho yageze mu ikipe ya FC Barcelona muri Mutarama 2018 aguzwe akayabo ka miliyoni 145 z’amapawundi.








Inyarwanda BACKGROUND