Inyubako ndende ni kimwe mu birango by’ikoranabuhanga ndetse n’iterambere mu bukungu gusa cyikaba n’ikirango cyo kurondereza ubutaka. Mu mazu 10 ya mbere maremare ku isi 6 ni ayo mu Bushinwa. U Bushinwa ni igihugu cyateye imbere mu ikoranabuhanga ndetse no mu bukungu.
Urutonde rw’amazu 10 yambere maremare ruyobowe n’inzu yo mu gihugu cya United Arab Emirates ikaba imaze imyaka igera kuri 9 ifite aka gahigo ko kuba ari yo ya mbere ndende ku isi, ikurikirwa n'inzu yo mu Bushinwa. Igihugu cy'Ubushinwa nicyo gifite amazu menshi maremare ku isi kuko n'ubwo twakoze urutonde rw’inzu 10.
Ukuri guhari ni uko mu
mazu maremare 30 ya mbere ku isi, 15 ni ayo muri iki gihugu cy'u Bushinwa. Ubu imibare igaragaza
ko Leta Zunze Ubumwe za Amerika ari cyo gihugu gikize kurusha ibindi ku isi, u Bushinwa bukaza ku mwanya wa kabiri, gusa hagendewe ku bipimo by'imibare bigaragaza ko
mu mwaka wa 2030 u Bushinwa buzaba bukize kurusha Amerika.
URUTONDE RW'AMAZU 10 MAREMARE KU ISI
10. China Zun
Iyi ni inyubako iri mu gihugu cy’u Bushinwa (China), mu mujyi wa Beijing ifite uburebure bwa 528m ikaba igeretse inshuro 108, umushinga wo kuyubaka warangiye muri 2018.
9. Tianjin CTF Finance Centernew__world__china.jpg)
Iyi ni inyubako iri mu gihugu cy’u Bushinwa, ikaba iri
mu mujyi wa Tianjin, ifite uburebure bwa 530m, ikagira igisenge cya 480m. Ni inzu igeretse inshuro 97, umushinga wo kuyubaka warangiye muri 2017.
8. Guangzhou CTF Finance Center
Iyi ni inyubako Iri mu gihugu cy’u Bushinwa mu mujyi wa Guangzhou ikaba ifite uburebure bwa 530m, igisenge ni 530m ikaba igeretse inshuro 111, umushinga wo kuyubaka warangiye mu mwaka 2016.
7. One World Trade Center
Iyi nyubako iri muri Leta Zunze Ubumwe za Amerika muri Leta ya New York, ikaba ifite uburebure bwa 541.3m. Igeretse inshuro 104, umushinga wo kuyubaka warangiye mu mwaka wa 2014.
6. Lotte World Tower
Iyi ni inyubako iri muri Koreya y'Amajyepfo mu mujyi wa Seoul
ikaba ifite uburebure bwa 554.5m Ikaba
igeretse inshuro 123, umushinga wo kuyubaka warangiye mu mwaka 2016.
5. Goldin Finance 117pt__group.jpg)
Iyi ni inyubako iri mu gihugu cy’u Bushinwa (China)
mu mujyi wa Tianjin ikaba ifite uburebure bwa 597m. Igeretse nshuro 117,
umushinga wo kuyubaka warangiye mu mwaka wa 2019.
4. Ping An Finance Centre
Iyi ni inyubako iri mu gihugu cy’u Bushinwa (China)
mu mujyi wa Shenzhen ikaba ifite uburebure bwa 599m. Igeretse nshuro 115m,
umushinga wo kuyubaka warangiye mu mwaka wa 2017.
3. Abraj Al-Bait Clock Tower
Iyi ni inyubako iri mu gihugu cya Saudi Arabia mu mujyi wa Mecca ikaba ifite uburebure bwa 601m. Igeretse nshuro 120, umushinga wo kuyubaka warangiye mu mwaka 2012.
2. Shanghai Tower
Iyi ni inyubako iri mugihugu cy’u Bushinwa (China)
mu mujyi wa Shanghai ikaba ifite uburebure bwa 632m. Igeretse nshuro 128,
umushinga wo kuyubaka warangiye mu mwaka wa 2015.
1. Burj Khalifa
Ni inyubako iri mu gihugu cya United Arab Emirates mu mujyi wa Dubai ikaba ifite uburebure bwa 828m. Igeretse nshuro 163, umushinga wo kuyubaka warangiye mu mwaka wa 2010. Burj Khalifa ifite agahigo ko kuba imaze imyaka igera ku 9 iyoboye uru rutonde ku isi.
Sources: Thetowerinfo.com,Triponzy.com, Popularmechanics.com, Archdaily.com
Eng
RSS 
TANGA IGITECYEREZO