RFL
Kigali

FIBA U16 Africa: Mali yatwaye igikombe itsinze Misiri, Mariam Coulibary aba umukinnyi w'irushanwa-AMAFOTO

Yanditswe na: Mihigo Saddam
Taliki:3/08/2019 21:39
0


Ikipe y'igihugu ya Mali yatwaye igikombe cy'irushanwa ry'abangavu batarengeje imyaka 16 ryaberaga mu Rwanda itsinze Misiri amanota 84-48 ku mukino wa nyuma wakinwaga ku mugoroba w'uyu wa Gatandatu tariki ya 3 Kanama 2019 muri sitade nto ya Remera.



Muri uyu mukino , Mali n'ubundi yahabwaga amahirwe yatsinze amanota 84-48 (22-14, 25-7, 21-12, 16-15). Mali yahise itwara igikombe ku nshuro ya gatandatu (6) yikurikiranya kuva mu 2009. Muri uyu mukino, Mariam Coulibary yatsinze amanota 30 dore ko yanabaye umukinnyi w'irushanwa (MVP).




Mali batwaye igikombe batsinze Misiri ku mukino wa nyuma 

Mu itangwa ry'ibihembo,Tanzania bahawe igihembo nk'ikipe yagaragaje ubworoherane (Fair Olay Trophy), myugariro mwiza yabaye Najjuma Maria (Uganda), Lojain Elfatairy (Egypt) yahembwe nk'umukinnyi w'imbere mwiza, Sara Caetano (Angola) yatsinze amanota menshi bityo arabihemberwa.

Tanzania bahabwa igihembo cy'ubworoherane 



Sara Caetano (Angola) yahembwe nk'uwatsinze amanota menshi


Mali bishimira igikombe batwaye ku nshuro ya gatandatu (6) kuva mu 2009


Sata Caetano (Angola) yahembwe nk'umukinnyi watsinze amanota menshi 

Uva iburyo: Sara Caetano (Angola), Koulibary Mariam (Mali), Maimuna Haidara (Mali), Lojain El Fatairy (Egypt) na Najjua Mariam (Uganda,13) nibo bagize ikipe y'irushanwa (Best 5 of the Tournament)

Maria Najjuma (13, Uganda) yahize abandi mu bijyanye no kugarira

Mali na Misiri si ubwa mbere bahuraga muri iri rushanwa ryaberaga mu Rwanda kuko bari kumwe mu itsinda rya kabiri (B) ubwo Mali yazamukaga iyoboye itsinda iri imbere ya Misiri yari ku mwanya wa kabiri.



Misiri yasoje ku mwanya wa kabiri 



Angola yasoje ku mwanya wa gatatu itsinze Mozambique 

Umukino ubwo wari utangiye 


Lojain Elfatairy (10) wa Misiri ashaka inzira 

Amr Elmaraghy umutoza mukuru wa Misiri 

Ikipe y'igihugu ya Mali 

Ikipe y'igihugu ya Mali n'abatoza bayo 


Ikipe y'igihugu ya Misiri 


Ikipe y'igihugu ya Misiri n'abatoza bayo 


Abanya-Misiri baba mu Rwanda bari baje gufana igihugu 

Muri iyi mikino yaberaga mu Rwanda kuva ku Cyumweru tariki 28 Nyakanga 2019, u Rwanda rwasoje ku mwanya wa gatandatu (6) nyuma yo gutsindwa na Uganda amanota 66-51 (14-13, 20-14, 15-11 na 21-9). 

N'ubwo u Rwanda rwatsinzwe uyu mukino, Lamla Umunezero (7) yahize abandi mu gutsinda kuko yagejeje amanota 22 mu gihe Umugande waje hafi ari Maria Najjuma wagize amanota 19 imbere ya mugenzi we Mary Moses Amaniyo watsinze amanota 18.



Mary Moses Amaniyo (14) umukinnyi ukomeye wa Uganda 


Maria Najjuma wa Uganda yafatiye inyuma Irakoze Ange Nelly (15) w'u Rwanda

Esther Namiro Kwagala (10) akaba kapiteni wa Uganda  

Uganda yahise ifata umwanya wa gatanu (5) bityo u Rwanda rwakiriye iyi mikino rurangiza ku mwanya wa gatandatu (6) imbere ya Tanzania yabaye iya karindwi (7). Ikipe ya Angola yasoje ku manya wa gatatu (3) nyuma yo gutsinda Mozambique amanota 67-59 (15-7, 23-12, 17-7 na 23-22).

Angola na Mozambique bahoze mu itsinda rimwe n'u Rwanda (A) kuko Angola yari iya mbere, Mozambique ikaba iya kabiri. Muri 1/4 ntabwo Angola yakinnye kuko yagombaga guhura na South Africa (ntiyitabiriye) mu gihe Mozambique yatsinze Uganda amanota 73-69 muri 1/4 ihita igera muri 1/2 aho yatsindiwe na Mali amanota 102-25. Angola yageze muri 1/2 ihatsindirwa na Misiri amanota 71-50.



Sara Caetanio (8) umunya-Angola werekanye ko asobanukiwe na Basketball


Teresa Mbemba (10) mu bakinnyi bafashije Angola muri iri rushanwa 

Muri uyu mukino, Sara Caetano yatsinze amanota 31 ahita agira amanota 165 mu irushanwa anafasha Mozambique gusoza mu makipe ane (4) ya mbere kuko bafashe umwanya wa gatatu. Jessie Joacquim (Mozambique,15) yatsinze amanota 19 mu mukino mu gihe Teresa Mbemba (Angola) yagize amanota 13 mu mukino wabo wasozaga irushanwa.


Sara Caetano (8) yatsinze amanota ijana mu mikino y'amatsinda

Dore uko amakipe yasoje irushanwa:

1.Mali

2.Egypt

3.Angola

4.Mozambique

5.Uganda

6.Rwanda

7.Tanzania

8.South Africa


Leonor do Alvar (10) ashaka inzira imugeza ku nkangara 


Cuna Mlena (14) wa Angola ahana ikosa 



Abafana ba Angola i Kigali 


Sara Caetano (8) ashaka aho yanyuza umupira 


Fernando Sapalo umutoza mukuru wa Angola 


Carlos Dezanove umutoza mukuru wa Mozambique


Mali yisubije igikombe yatangiye itwara kuva mu 2009

PHOTOS: Saddam MIHIGO-Inyarwanda.com






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND