MTN
Kigali

Hatanzwe amahirwe ku bazitabira #TheCookMe Domestication // Beauty yateguwe na Miss Mireille Igihozo

Yanditswe na: Mupende Gedeon Ndayishimiye
Taliki:23/07/2019 22:07
0

#TheCookMe Domestication // Beauty ni igikorwa cyateguwe na Mireille Igihozo witabiriye irushanwa rya Miss Rwanda 2019 aho yari ahagarariye Intara y’Uburengerazuba. Ni igikorwa yateguye mu ntego yo gutera imbaraga abakobwa n’abagore binyuze mu guteka. Kuri ubu hatanzwe amahirwe ku bazitabira iki gikorwa.



Mireille Igihozo yateguye iki gikorwa abinyujije muri Pearls Corner Organisation abereye umuyobozi mukuru ndetse akaba ari nawe wayitangije. Ni igikorwa ateguye nyuma y’ikindi yise 'Because there is hope' yakoze mu ntangiriro z’uyu mwaka aho yari yatumiye Aline Gahongayire, Pastor Julienne Kabanda, Pastor Desire Ntawiniga na Miss Hirwa Honorine uzwi nka Miss Igisabo. Kuri ubu rero uyu mukobwa yateguye ikindi gikorwa kigenewe gusa abakobwa n’abagore.

Iki gikorwa #TheCookMe Domestication // Beauty kizaba tariki 24/08/2019 kibere kuri Century Park i Nyarutarama hafi na Golf. Byari biteganyijwe ko iki gikorwa kizabera kuri Lemigo Hotel, gusa byaje guhinduka nk’uko Miss Mireille yabidutangatije, ubu kizabera kuri Century Park hotel ahazwi nka Billy’bistrol haruguru ya Golf club.

Iki gikorwa cyizatangira saa Kumi z’umugoroba gisozwe saa Mbiri z’ijoro. Abakobwa n’abagore bazitabira iki gikorwa bazaguhurwa n'abatumirwa bakomeye batumiwe muri iki gikorwa, bigishwe ibijyanye no guteka ndetse nyuma yaho habeho gusangira. Kwitabira iki gikorwa ni 15,000Frw ku muntu umwe.


Miss Mireille Igihozo wateguye iki gikorwa

Miss Igihozo avuga kuri iki gikorwa ari gutegura yise n#TheCookMe Domestication // Beauty yabwiye Inyarwanda.com ati “Ni event igamije ku empowering abagore binyuze mu guteka.” Mireille Igihozo yabwiye Inyarwanda.com ko muri iki gikorwa abazatanga ubujyanama n’impanuro ari Apostle Mignonne umuyobozi Women Foundation Ministries na Noble Family church ndetse n’umuganga witwa Ashimwe Christine.

Muri iki gikorwa cya #TheCookMe  Domestication || Beauty gikomeje gutangaza benshi kubera umwihariko udasanzwe wagarayemo aho habamo umwanya w’inyigisho zitandukanye zijyanye nuko Umugore/umukobwa yakwiyitaho, uburyo ki yagira urugo rwiza ndetse n’akazi akagakora neza. Haza kandi n’igihe cyo gusenga ndetse gusangira.

Si ibyo gusa ahubwo abazitabira iki gikorwa bashyiriweho andi mahirwe aho bazabasha kugura ibintu byiza bitandukanye bikorerwa mu Rwanda (Made in Rwanda) byakozwe n’abagore. Ikindi ni uko abagore bafite abana bazabona umwanya w’aho bakinira kandi nabo bakagire ibihe byiza nk’uko Inyarwanda.com yabitangarijwe na Miss Mireille Igihozo wateguye iki gikorwa.


Abazitabira iki gikorwa bahawe amahirwe yo kuzagura Made in Rwanda nziza cyane zakozwe n'abagore



Iki gikorwa kizabera i Nyarutarama kuri Century Park Hotel tariki 24/08/2019








Inyarwanda Art studio
Inyarwanda BACKGROUND