MTN
Kigali

“Umuhanzi ni we shingiro ry’umuziki, ikibazo ni uko bumva ko hari undi ushinzwe ibyabo…” Ibitekerezo bya Phil Peter ku iterambere ry'umuziki w’u Rwanda –IKIGANIRO

Yanditswe na: Emmy Nsengiyumva
Taliki:23/07/2019 13:50
1

Phil Peter umunyamakuru wa Isango Star ukora ibiganiro by'imyidagaduro, wiyongereye akandi kazi aho asigaye ari n’umu Dj uvanga imiziki mu tubyiniro ndetse no mu bitaramo binyuranye akabihuza no kuyobora ibitaramo bitandukanye nka MC, yagiranye ikiganiro kirambuye na Inyarwanda.com ku iterambere ry'umuziki w’u Rwanda.



Mu kiganiro Phil Peter yahaye Inyarwanda yagarutse ku bintu binyuranye birimo iterambere rya muzika nyarwanda ndetse n’imigendekere myiza y’ibitaramo bya Iwacu Muzika Festival. Yakomoje ku iterambere ry’abahanzi nyarwanda muri rusange. Aha niho Phil Peter yageze aritsa yibutsa umunyamakuru ko abantu bakwiye kumva ko ishingiro ry’uruganda ari umuhanzi.

Ati” Umuhanzi ni we shingiro ry’uruganda n'umunyamakuru ahite abyumviraho iyo asenya umuhanzi age amenya ko nawe ari kwirangiza. Abahanzi nabo ikibazo cyabo ni uko bumva ko ibintu byabo hari undi ubishinzwe. Impamvu umuziki wacu utagera kure ni uko abahanzi batekereza ko hari undi muntu uzabakorera ibyabo.”

Phil PeterPhil Peter umunyamakuru, Mc ndetse akaba na Dj gusa mu ishuri yize kuvura bivuze ko ari na muganga unyuzamo akanaririmba mu ndirimbo zinyuranye

Aha Phil Peter yumvikanishaga ko kenshi abahanzi bo mu Rwanda iyo bamaze gukora indirimbo nziza bahita biyicarira bagatekereza ko hari undi muntu uzabafasha ibyabo. Yabibukije ko ubwabo nk’abahanzi ari bo bagomba kurwanira gutera imbere nta kindi bitayeho cyangwa ngo bagire uwo babiharira nyamara ibintu ari ibyabo.

Phil Peter yibukije abafana ba muzika ko bakumva ko umuziki ari ikintu cyageza kure igihugu bagashyigikira abahanzi bikuyemo ko hari ibitaramo by’ubuntu. Usibye aba ariko abafite mu nshingano guteza imbere muzika Phil Peter yabasabye gushyigikira umuhanzi ufite impano ndetse wanakoze umuziki mwiza bakamuteza imbere.

REBA HANO IKIGANIRO KIRAMBUYE TWAGIRANYE NA PHIL PETER







IBITECYEREZO

  • Anisia4 months ago
    zairwa Peter


Inyarwanda Art studio
Inyarwanda BACKGROUND