Inyarwanda art Studio
Kigali

Amateka ya Korali La Fraternité ihimbaza Imana mu ndimi z’amahanga yiyemeje gufasha no kuzamura imibereho y'abantu-AMAFOTO

Yanditswe na: Mupende Gedeon Ndayishimiye
Taliki:22/07/2019 21:04
7

La Fraternité ikorera umurimo w’Imana muri ADEPR Remera ku mudugudu wa International Chapel ikaba ihimbaza Imana mu ndimi z’amahanga, tariki 21/07/2019 ni bwo yakoze igitaramo gifungura igikorwa ifite muri iyi minsi mu ntego yo gufasha no kuzamura imibereho y'abantu.



Ni igitaramo cyiswe ‘Amazing Grace Concert’ cyabereye kuri ADEPR Remera hafi ya Kigali Arena. Iki gitaramo cyari gifite intego iboneka muri Yohana 9:4-5 havuga ngo “Nkwiriye gukora imirimo y’uwantumye hakiri ku manywa, bugiye kwira ni igihe umuntu atakibasha gukora. Nkiri mu isi ndi umucyo w’isi.” Mugabo ushinzwe itangazamakuru muri chorale La Fraternité yabwiye Inyarwanda.com ko iki gitaramo cyabo cyagenze neza cyane. Yavuze ko bagiriwe umugisha wo kubana n’umushyitsi witwa Sala waturutse i London mu Bwongereza.



Aba baririmbyi bagize umugisha wo kubana na Sala waturutse i London

Ndahigwa Erick umuyobozi wa chorale La Fraternité aganira na Inyarwanda.com yadutangarije byinshi ku bikorwa bafite muri iyi minsi. Yavuze ko biyemeje gukora ibikorwa by'urukundo na cyane ko izina ryabo 'La Fraternite' risobanura 'Ubuvandimwe', ku by'ibyo bakaba bazagira umuntu utishoboye baremera mu rwego rwo kuzamura imibereho ye. Yizera ko iyi gahunda izafasha benshi kuruhuka mu mitima. Ati “Iri vugabutumwa rizafasha benshi kuruhuka mu mitima no guhembuka binyuze mu butumwa bw’ihumure.”


Korali LA FRATERNITE muri iyi minsi bashyize imbere ibikorwa by'urukundo

INCAMAKE Y’AMATEKA YA KORALI LA FRATERNITE

Chorale La Fraternité yashinzwe tariki 5 Gashyantare mu mwaka wa 2006 itangirana abaririmbyi 7. Yatangijwe na Pastor Henry Sebugorore na Pastor Uwambaje Emmanuel ari nabo batangije umudugudu wa Internationale (ADEPR Internatinal Chapel) ubarizwa i Remera hafi na Kigali Arena ari na wo iyi korali ibarurirwamo. Abakristo bo kuri uyu mududugu baterana ku Cyumweru Saa Munani z’amanywa kugeza saa Kumi n’igice z’umugoroba. 

La Fraternité bivuga ‘Ubuvandimwe’ akaba ari nayo mpamvu iyi korali ikunze gukora ibikorwa bishingiye ku rukundo rwa kivandimwe. Kuri ubu iyi korali igizwe n’abaririmbyi 45. Iririmba mu ndimi z'amahanga zirimo; Icyongereza, Igifaransa n’Igiswahili na cyane ko umudugudu babarurirwamo nawo ukoresha indimi z'amahanga mu gihe cy'amateraniro aba ku Cyumweru nimugoroba. 

Nyuma y’imyaka 13 batangiye ivugabutumwa mu ndirimbo, kuri ubu ni bwo bari gukora indirimbo zabo z’amajwi


Inyarwanda.com yifuje kumenya impamvu batinze gukora muri studio indirimbo zabo, Ndahigwa Erick Perezida w’iyi korali adutangariza ko babanje kwiyubaka na cyane ko gukoresha indimi z'amahanga bisaba kwitonda. Ati “Korali yatangiye yiyubaka cyane ko gukoresha indimi z’amahanga bisaba kubanza kwitonda”. Yavuze ko uyu mwaka wa 2019 uzarangira bafite indirimbo nk’eshatu z’amajwi. Twabibutsa kandi ko muri iyi minsi aba baririmbyi bari gukora ibikorwa byo gufasha mu ntego yo kuzamura imibereho y’abantu.

Abaririmbyi wa CHORALE LA FRATERNITE ya ADEPR Remera-International Chapel







IBITECYEREZO

  • Kamanzi Louange1 month ago
    murakoze ndumva ntabon Uko mbashimira Gus Imana ibahe imigisha myinshi ndateze igisumbyeho umugisha utarondoreka igitekerezo Nari mfite cyuko bakomerezaho ntibiba ibyuki munsi Gus ahubwo bihorehoo murakoze
  • ndungutse samuel1 month ago
    Dushimiye Disprinary MUGABO kubw.igikorwa kiza atugezaho nka Choral akomereze aho congz
  • Jean de Dieu Sikubwabo (Jado)1 month ago
    Imana ishimwe ku bw'imirimo irimo gukoresha Chorale La Fraternité yo muri ADEPR REMERA INTERNATIONAL CHAPEL kuko urebye aho isi yerekeza niterambere muri rusange,hakenewe ivugabutumwa rikozwe n'abanyarwanda bakoresha indimi z'amahanga mu rwego rwo kwamamaza inkuru nziza y'agakiza kabonerwa muri Kristo Yesu. IMANA ibahe umugisha kandi ibagure. Amen.
  • Mugabo Emmanuel1 month ago
    chorale la Fraternite gufasha ni byiza kandi nigikorwa N Imana ibateze Imbere N abandi babafasha kuririmba nimirimo myiza biragendana
  • Esther tuyambaze1 month ago
    Choral LA fraternite imana ikomeze kubashyigikira turabakunda
  • Claire Niyonshuti1 month ago
    Turabakunda kandi Imana ibashigikire, dukunda indirimbo zanyu mudufashije mwakora mwaba mudushakiye audio kundirimbo zanyu. Murakoze
  • RUKUNDO JC1 month ago
    Iyo chorale iririmba neza Ni chorale umuntu wese yakwifuza kubona.Felicitation baririmbyi beza nimukomereze aho. Nibatubwire inkuru numvise kuribo ko bafite za Concert ku madimanche 4 akurikirana kuva le 21 niba aribyo. Thanks!


Bahaus

Inyarwanda BACKGROUND