Inyarwanda art Studio
Kigali

Ndayisaba Hamidou Okenge na Manzi Sinceres basinye muri SC Kiyovu, Karera yongera amasezerano

Yanditswe na: Mihigo Saddam
Taliki:17/07/2019 11:40
0

Ikipe ya Kiyovu Sport yambara umweru n’icyatsi yasinyishije abakinnyi barimo Manzi Huberto Sinceres, Ndayisaba Hamidou na Okenge Lulu Kevin muri gahunda yo kwiyubaka bitegura umwaka w’imikino 2019-2020.



Mu baknnyi binjiye muri Kiyovu Sport barimo; Ndayisaba Hamidou wari umaze umwaka w’imikino 2018-2019 muri Police FC, ikipe yagezemo avuye muri AS Kigali. Aba bakinnyi bose basinye imyaka ibiri (2).

Ndayisaba Hamidou bakunda kwita Iniesta, ni umukinnyi ukina hagati mu kibuga yaba ari imbere y’abugarira mu ikope aba arimo cyangwa akaba yakina inyuma y’abataha izamu abagezaho imipira akuye hagati mu kibuga (Attacking Midfielder).


Ndayisaba Hamidou (20) yasinye muri Kiyovu Sport 

Ndayisaba Hamidou yajyanye na Manzi Huberto Sinceres wari myugariro mu mutima w’ubwugarizi bwa Police FC, ikipe nawe yari amazemo umwaka wa 2018-2019 avuye muri Sunrise FC yo mu karere ka Nyagatare.


Manzi Huberto Sinceres yasinye muri SC Kiyovu avuye muri Police FC 

Kiyovu Sport iheruka ku mukino wa nyuma w’igikombe cy’Amahoro 2019 igatsindwa na AS Kigali ibitego 2-1 ku mukino wa nyuma, yanyarukiye muri Gicumbi FC izanayo Okenge Lulu Kevin umukinnyi ukina asatira izamu aca mu mpande muri gahunda yo kuziba icyuho cya Nizeyimana Djuma wagiye muri APR FC. Okenge nawe yasinye imyaka ibiri muri SC Kiyovu Sport avuye muri Gicumbi FC ikipe yagezemo avuye mu ikipe y’abato ba APR FC.

Nyuma yo gusinyisha aba bakinnyi, Kiyovu Sport yumvikanye na Karera Hassan myugariro mu mutima w’ubwugarizi wari usanzwe muri iyi kipe birangira yongereye amasezerano y’imyaka itatu (2).


Karera Hassan yongereye amasezerano muri SC Kiyovu

SC Kiyovu kandi yari imaze iminsi isinyishije Nyirinkindi Saleh ukina ataha izamu aciye mu mpande z’ikibuga, umukinnyi ukiri muto wakinaga muri Marines FC. Mu buryo buzwi kandi bwemewe, SC Kiyovu yatakaje abakinnyi barimo; Kalisa Rachid wagiye muri AS Kigali, Nizeyimana Djuma uri muri APR FC, Ndoli Jean Claude wagiye muri Musanze na Ngarambe Jimmy Ibrahim wasinye muri Bugesera FC.








Bahaus

Inyarwanda BACKGROUND