Heroes, Sorwathe na Etoile zasanze Gasogi United muri ½ cya shampiyona y’icyiciro cya 2

Kuri iki Cyumweru tariki 14 Nyakanga 2019, hamenyekanye amakipe atatu (3) yagombaga kwiyongera kuri Gasogi United yageze muri ½ isezereye Intare FA ku giteranyo cy’ibitego 7-3.

Gasogi United yabimburiye andi makipe kugera muri 1/2

Heroes FC yabaye ikipe ya mbere yageze muri ½ nyuma yo gukuramo Vision FC nyuma yo kunganya ibitego 2-2 nk’igiteranyo cy’ibitego (Aggregate).

Umukino ubanza ikipe ya Heroes FC yatsinzwe ibitego 2-1, umukino wo kwishyura wabaye kuri iki Cyumweru itsinda igitego 1-0 bityo igitego yabonye mu mukino ubanza kiyifasha gukomeza nta penaliti zitewe. Heroes FC yaherukaga muri ½ muri shampiyona 2016-2017.

Heroes FC yageze muri 1/2 ikuyemo Vision FC

Etoile de l’Est yo mu karere ka Ngoma yageze muri ½ ikuyemo Vision JN nyuma yo gutsinda ibitego 2-0 mu mukino wo kwishyura. Umukino ubanza, Vision JN yari yatsize Etoile de l’Est igitego 1-0.

Sorwath FC yageze muri ½ itsinze Rwamagana City penality5-3 mu mukino wo kwishyura nyuma yo kurangiza banganya 0-0.

Sorwathe FC ikipe ikomeye ariko itagira amahirwe mu mikino ya nyuma 

Dore uko imikino yo ibanza ya ½  iteye:

Kuwa Gatandatu tariki 20 Nyakanga 2019

-Heroes FC vs Etoile de l’Est

-Sorwathe FC vs Gasogi United

Dore uko imikino yo kwishyura  ya ½  iteye:

Kuwa Gatatu tariki 24 Nyakanga 2019

-Etoile de l’Est vs Heroes FC

-Gasogi United vs Sorwathe FC