Inyarwanda art Studio
Kigali

BASKETBALL: Imikino ya “Playoffs 2019” iratangira kuri uyu wa Gatanu

Yanditswe na: Editor
Taliki:11/07/2019 16:07
0

Ku mugoroba wo kuri uyu wa Gatanu taliki ya 12 Nyakanga 2019 kuri Sitade ntoya ya Remera (Petit Stade Amahoro) haratangira imikino y’irushanwa rya kamarampaka (Playoffs) aho Patriots BBC izakina na APR BBC naho REG BBC ikine na Espoir BBC. Kwinjira ari 2000Rwf ndetse na 5000Rwf.



Ni irushanwa ngarukamwaka ritegurwa n’ishyirahamwe ry’umukino wa Basketball mu Rwanda rigahuza amakipe ane aba yarasoje shampiyona aza imbere y’ayandi. Muri uyu mwaka, amakipe azitabira ni; Patriots BBC, REG BBC, APR BBC na Espoir BBC.

Patriots BBC yegukanye irushanwa rya Playoff 2018

Umukino ubanza wa Playoffs uzaba saa Moya (19h:00) aho ikipe ya Patriots BBC ifite iri rushanwa ry’umwaka 2018 iraza kuba ikina na APR BBC, umukino wa kabiri uraza guhuza REG BBC na Espoir BBC Saa 21h.

Iyi mikino kandi ibiciro byo kwinjira byamaze kumenyekana aho kwinjira ari amafaranga ibihumbi 5000Rwf muri VIP na 2000Rwf ahasigaye hose ni imikino kandi umuntu yemerewe kuba yakwinjirana icyo kunywa haba igisembuye ndetse n’Icyidasembuye.

Dore uko amakipe azahura kuri uyu wa Gatanu taliki ya 12 Nyakanga 2019:

Patriots BBC vs APR BBC (Petit Stade Amahoro, 19h00’)

REG BBC vs Espoir BBC (Petit Stade Amahoro, 21h00’)

Paul Mugabe/ Inyarwanda.com








Bahaus

Inyarwanda BACKGROUND