Inyarwanda art Studio
Kigali

Rene Patrick yadutangarije isomo rikomeye yasigiwe n'igitaramo 'A Love Journey'-AMAFOTO

Yanditswe na: Editor
Taliki:10/07/2019 16:54
0

Igitaramo 'A Love Journey' cyari gifite insanganyamatsiko yo gushima Imana ku byo yakoze n'ibyo yagejeje ku Rwanda mu gihe cy'imyaka 25 itambutse. Abitabiriye iki gitaramo bagaragaje inyota yo gushima Imana aho yabakuye no kuyiragiza ibiri imbere. Rene Patrick wateguye iki gitaramo yadutangarije isomo cyamusigiye.



Ku wa Gatanu tariki ya 5 Nyakanga 2019 ku rusengero CLA Nyarutarama habereye igitaramo ‘A Love Journey‘ cyahuje imbaga y'abari bafite inyota yo gushima Imana ku bw'uburinzi bwayo n'ibyo yakoreye igihugu cy'u Rwanda mu myaka 25 itambutse. Ni igitaramo cyahuje abaramyi benshi batandukanye harimo Simon Kabera, Aime Uwimana, Bosco Nshuti, Shekinah Worship team, Pastor Gaby, Columbus, Chance wo muri Alarm Ministries, Olivier Kavutse wo muri Beauty For Ashes n'abandi benshi.


Olivier Kavutse mu gitaramo 'A Love Journey'


Simon Kabera mu gitaramo 'A Love Journey'


Bosco Nshuti yifatanyije n'abitabiriye iki gitaramo cyo kuramya Imana


Chance umuririmbyi wa Alarm Ministries 



Umukozi w'Imana Aime Uwimana mu gitaramo 'A Love Journey'

Ni igitaramo cyaranzwe no kuramya no guhimbaza Imana, impuguro zinyuze mu Ijambo ry’Imana ndetse n'amasengesho menshi yaranzwe no kuragiza Imana u Rwanda. Hasengewe Umutekano mu gihugu, ububanyi n'amahanga, ubuyobozi, ubucuruzi ndetse n'imbaraga zo kujyana n'iterambere ry’igihugu. Muri iki gitaramo kandi hanasobanuwe ibice 3 bigize igihugu ari byo, Itorero, Umuryango ndetse na Leta.


Rene Patrick yaheshejwe umugisha n'abashumba

Mu kiganiro na INYARWANDA Rene Patrick yavuze ko iki gitaramo cyamusigiye isomo rikomeye ryo guha umwanya uhagije abantu bakicara   bagatekereza bakareba iyo bavuye bityo bikabatera gushima Imana. Ibi byanamuteye no gukomeza ibikorwa birebana n'album ye yise ‘A Love Journey’’. Rene Patrick ahamya neza ko ari ibintu byari bikenewe ko kandi biturutse mu buhamya yakiriye nyuma y'igitaramo abantu benshi bafashijwe bakanakorwaho n'iki gitaramo.


Rene Patrick yahimbaje Imana mu buryo bukomeye


Habayeho guhembuka binyuze mu kuramya Imana


Abashumba batandukanye bitabiriye igitaramo 'A Love Journey'


Rene Patrick yagize ati: "Uwabitekerezaho wese yasanga kiriya gikorwa cyari gikenewe kuko abantu bari bakeneye aho bakwicara bagasubiza amaso inyuma bakareba ibyo Imana yakoze mu gihugu, ndetse bakanatekereza ku byo bifuza imbere bakabyatura mu buryo bw'amasengesho. Izo ntego nyamukuru zarakozwe mu gitaramo byagaragaje kandi ko hari hakenewe umwanya urambuye kurushaho cyane iyo ari igikorwa gifite insanganyamatsiko nk'iyo twari dufite. Mu buhamya twagiye twakira nyuma butandukanye, twasanze hari byinshi byakoretse mu mitima y'abibukaga aho bavuye mu buryo bwihariye n'urugendo bagiranye n'Imana." 


Abaririmbyi bafashije Rene Patrick kuririmba 



Ubwitabire bwari hejuru



Pastor Gaby nawe yitabiriye iki gitaramo Shekinnah nayo yari yitabiriye iki gitaramo



UMWANDITSI: Joselyne Kabageni (Inyarwanda.com)








Inyarwanda BACKGROUND