Young Grace ari mu mushinga w'indirimbo yakoreye umwana atwite

Young Grace umuhanzikazi wamamaye mu njyana ya Hip Hop, kuri ubu yamaze kumukorera indirimbo yitegura gushyira hanze mu minsi micye iri imbere. Iyi ndirimbo yanitiriye umwana we yitwa Diamante Young grace amuririmbiramo amagambo yo kumwifuriza ibyiza byose imbere.

Muri iyi ndirimbo uyu muhanzikazi agira ati: ”Ndumva mfite amatsiko yo kongera kukubona, ndumva mfite amatsiko yo kumenya uwo uri we, niba uri agahungu cyangwa agakobwa nsaba Imana ngo izakwiteho, iguhe urukundo no gukunda bimwe by’ukuri, iguhe umugabo wubaha na we akakubaha, niba uri umuhungu nsaba Imana ngo izakwiteho iguhe ubutwari uzagukenera uzamwiteho, niba uri umukobwa ntuzababaze umukunzi ntuzameneke umutima izakurinde abanzi, vayo ni cyo gihe.”

Young Grace mu minsi ishize yakorewe ibirori bya Baby Shower

Muri Werurwe ni bwo inkuru y’uko uyu muraperikazi atwite yamenyekanye, ni ibintu atigeze ahisha ahubwo yavugaga ko atewe ishema na byo. Nta gihe runaka nyir’izina kizwi gisigaye ngo uyu mukobwa abyare, gusa benshi mu nshuti ze za hafi zivuga ko akuriwe dore ko anaherutse gukorerwa ibirori bya ‘Baby Shower’. Uyu mukobwa mbere yo kwibaruka yakoze indirimbo ‘Diamante’ yosohoye agace gato ka yo akavuga ko indirimbo yose iri hafi gusohoka.