Gutanga amaraso ni ugutanga ubuzima

Gutanga amaraso nicyo gikorwa cy’ibanze cyabimburiye umunsi mpuzamahanga wo gutanga amaraso aho buri wese wabyifuzaga yabanzaga guca mu cyumba batangiramo amaraso akabona gukomereza mu cyumba cyateguriwe umunsi mukuru, aha rero ni naho bamwe mu bayobozi b’igihugu batandukanye barimo n’umugaba mukuru w’ingabo General Patrick NYAMVUMBA batangiye amaraso

 Kuri uyu munsi kandi hagiye hatangwa ibihembo bitandukanye ku bantu bamaze gutanga amaraso incuro nyinshi kurusha abandi aho hagiye hagaragara abantu bayatanze inshuro 171, 78 na 60 kandi bakaba bavuga ko bagikomeje gutanga ubuzima batanga amaraso kuri benshi

Umwe mu bahawe amaraso mu myaka ibiri ishize madam, Christine ASHIMWE avuga ko ashimira byimazeyo buri muntu wese utanga amaraso kuko nubwo atazi uwamuhaye amaraso igihe yari arembye ariko amushimira bikomeye kuko yarokoye ubuzima bwe, ibyo rero byahise bimuha imbaraga zo gutanga amaraso buri uko abyibutse kuko nawe yifuza gutanga ubuzima nkuko yabuhawe