iTel
Kigali

BOX OFFICE: The Secret Life of Pets 2 niyo filime iri kugurishwa cyane ku isi

Yanditswe na: UDAHOGORA Vanessa Peace
Taliki:10/06/2019 12:30
0

The Secret Life of Pets 2 ni igice cya kabiri. Icya mbere cyasohotse muri 2016. Muri iyi weekend iki gice cya kabiri cyinjije $47,110,000 muri Amerika gusa. Iki gice kirimo abakinnyi nka Kevin Hart, Harrison Ford na Tiffany Haddish mu buryo bw’amajwi.



1. The Secret Life of Pets 2

Ni filime yasohotse kuri uyu wa gatanu tariki 07/06/2019, icuruzwa na Universal, ikaba iri mu bwoko bwa animation. Uteranyije amafaranga yose iyi filime yacurujwe ku isi agera kuri $97,035,000, kuyikora byo byari byatwaye miliyoni 80 z’amadolari.

2. Dark Phoenix


Ni filime yo mu bwoko bwa Action cyangwa imirwano, yasohotse kuri uyu wa gatanu tariki 07/06/2019. Icuruzwa na Fox, muri iyi weekend yinjije$33,000,000 muri Amerika gusa, ku isi hose imaze kwinjiza$140,000,000, ayo byatwaye ngo ikorwe ntiyigeze atangazwa. Irimo abakinnyi nka Sophie Turner benshi bamenye muri Game of Thrones, Jennifer Lawrence n’abandi.

3. Aladdin (2019)


Iri mu bwoko bwa Fantasy yasohotse tariki 24/05/2019 ndetse umukinnyi w’imena muri yo ni Will Smith. Icuruzwa na Buena Vista, yasohotse benshi bayitegereje kubera uburyo Will Smith yayamamaje mbere y’uko isohoka. Muri iyi weekend yinjije$24,500,000muri Amerika gusa, ku isi hose imaze kwinjiza$604,885,926, kuyikora byatwaye miliyoni 183 z’amadolari; ubushize niyo yari ku mwanya wa 2.

4. Godzilla: King of the Monsters


Godzilla: King of the Monsters ni filime yo mu bwoko bwa Science Fiction icuruzwa na Warner Bros, yasohotse tariki 31/05/2019. Kuyikora byatwaye miliyoni 170 z’amadolari, muri iyi weekend yinjije$15,540,000, kuva yasohoka kugeza ubu ku isi hose imaze kwinjiza$292,297,097. Ubushize yari ku mwanya wa mbere.

5. Rocketman


Ni filime yo mu bwoko bwa Musical, yasohotse tariki 31/05/2019, muri iyi weekend yinjije$14,000,000 muri Amerika gusa, ku isi hose imaze kwinjiza$101,798,756. Icuruzwa na Paramount, kuyikora byatwaye miliyoni 40 z’amadolari, ubushize yari ku mwanya wa 3.

6. Ma (2019)


Ma ni filime iri mu bwoko bwa Thriller, icuruzwa na Universal, yinjije$7,820,000muri iyi weekend, icuruzwa na Universal. Yasohotse tariki 31/05/2019, kuyikora byatwaye miliyoni 5 z’amadolari, ku isi hose imaze kwinjiza$40,068,075, ubushize yari ku mwanya wa 4.

7. John Wick: Chapter 3 – Parabellum


Iki ni igice cya gatatu cya filime y’uruhererekane igenda isohoka mu bice yitwa John Wick. Igice cya mbere cyasohotse muri 2014, icya kabiri gisohoka muri 2017. Igice cya gatatu cyasohotse tariki 17/05/2019. Muri iyi weekend iyi filime yinjije$7,400,000, icuruzwa na Lionsgate/Summit, ayo byatwaye ngo ikorwe ntiyigeze atangazwa, kugeza ubu imaze kwinjiza$252,262,998uhereye igihe yasohokeye. Ubushize miyo yari ku mwanya wa 5.

8. Avengers: Endgame


Iyi filime muri iyi weekend yinjije$4,800,000muri Amerika gusa, yasohotse tariki 26/04/2019. Uhereye igihe iyi filime yasohokeye kugeza ubu imaze kwinjiza$2,730,565,940. Niyo filime iheruka ya MCU (Marvel Cinematic Universe), uruhererekane rwa za filime zo mu bwoko bwa superhero zikomoka muri Marvel Comics. Izi filime zatangiye gukorwa muri 2007, kugeza ubu zimaze kuba 22. Avengers: Endgame kuyikora byatwaye miliyoni 356 z’amadolari, ubushize yari ku mwanya wa 6.

9. Pokemon Detective Pikachu


Iyi filime yasohotse tariki 10/05/2019, icuruzwa na Warner Bros., muri iyi weekend yinjije$2,980,000muri Amerika. Gukora iyi filime byatwaye miliyoni 150 z’amadolari, kugeza ubu ku isi hose imaze kwinjiza$409,501,719. Ubushize yari ku mwanya wa 7.

10. Booksmart


Ni filime y’urwenya icuruzwa na United Artists Releasing ikaba yarasohotse tariki 24/05/2019. Muri iyi weekend yinjije$1,577,259muri Amerika gusa ari naho iri gucuruzwa gusa kugeza ubu, kuva yasohoka kugeza ubu imaze kwinjiza$17,814,672.Amafaranga byatwaye ngo itunganywe ntabwo yigeze atangazwa, ubushize yari ku mwanya wa 8.








Inyarwanda BACKGROUND

Copyright © 2008-2019 Inyarwanda Ltd
RSS