RFL
Kigali

Volleyball: RRA na UTB VC zatsindiye kuzahurira mu mikino ya nyuma ya playoffs-AMAFOTO

Yanditswe na: Mihigo Saddam
Taliki:10/06/2019 13:31
1


Ikipe ya UTB VC na RRA Volleyball Club mu cyiciro cy’abagore yakatishije itike zibageza ku mikino ya nyuma ya kamarampaka (Playoffs 2019) nyuma yo gutsinda amakipe byari bihanganye muri iyi mikino yatangiye tariki ya 6 Kamena 2019.



Ikipe ya UTB VC yageze ku mukino wa nyuma yo kuba kuri iki Cyumweru yarujuje imikino 2-0 itsinda APR Women Volleyball Club amaseti 3-0 (25-20, 25-19, 25-23).


UTB VC (Icyatsi) yatsinze APR VC (Umweru n'umukara) amaseti 3-0

RRA Women Volleyball nayo yageze ku mukino wa nyuma yujuje imikino ibiri 2-0 kuko umukino wa kabiri yatsinze KVC amaseti 3-0 (25-12, 25-15, 25-16) Kuri iki Cyumweru.

Mu mikino ibanza, RRA na UTB zari zitwaye neza nabwo zitsinda bitagoranye. Ikipe ya RRA VC yitwaye neza itsinda KVC amaseti 3-0, ukaba warabereye kuri Sitade Amahoro i Remera tariki 6 Kamena 2019. Uyu mukino wamaze isaha n’umunota 1 (1h01’), RRA VC yanahabwaga amahirwe menshi yo kwitwara neza, yatangiye neza itsinda iseti ya mbere ku manota 25-18, iya kabiri 25-22 ndetse n’iya 3 ku manota 25-21.



UTB VC ni ikipe yiyubatse ishingiye ku bakinnyi bakomeye yakuye mu yandi makipe 

Mu wundi mukino, APR VC yaje gutsindwa na UTB VC amaseti 3-0. Uyu mukino wamaze iminota 54, UTB VC yatsinze iseti ya mbere ku manota 25-20, iya kabiri kuri 25-14 n’iya 3 ku manota 25-20.

Imikino ya Playoffs ihuza amakipe yasoje mu myanya ine ya mbere muri shampiyona bityo bakongera gutomborana aho ikipe yam bee ihura n’iya kane (RRA vs KVC) mu gihe ikipe ya kabiri ihura n’iya gatatu (APR VC vs KVC).

Muri iyi mikino, ikipe ibashije gutsinda imikino ibiri yikurikiranya ihita ibona itike yihuta igana ku mukino wa nyuma.


APR WVC (Umweru n'umukara) izahatana na KVC bashaka umwanya wa gatatu

Ku Cyumweru tariki 9 Kamena 2019:

-UTB VC 3-0 APR VC (25-20, 25-19, 25-21)

-RRA 3-0 KVC (25-12, 25-15, 25-16)



PHOTOS: Uwihanganye Hardy
 


Tags:




TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • hassan4 years ago
    arikose ko bahana abambaye ubusa,aba bakobwa bo bambaye imyenda minini nkiya bahungu ntago bakina ngo umukino ube kwelinukuri minispoc irebera aba bakobwa mu mikino babafashe





Inyarwanda BACKGROUND