Ahabanza Imikino

Eden Hazard yasezeye abakunzi ba Chelsea

Yanditswe na: Editor
Taliki:30/05/2019 1:00 1

Ni nyuma y’umukino wahuje ikipe ya Chelsea na Arsenal wa nyuma wa UEFA Europa League, umukino waje kurangira Chelsea itsinze Arsenal 4-1. Eden hazard yahise asezera ku bafana ba Chelsea abashimira igihe bamaranye n’ibihe byiza basangiye.

Eden Hazard ukomoka mu gihugu cya Belgium, yatangaje ko agiye mu yindi kipe nyuma yo gufasha ikipe ya Chelsea kwegukana igikombe cya UEFA Europa League cy'uyu mwaka, aho yagize uruhare mu bitego bitatu atsinda bibiri anatanga umupira wavuyemo igitego.

Eden Hazard wafashije Chelsea gutwara igikombe cya UEFA Europa league

Nyuma y'uyu mukino itangazamakuru ryamwegereye rimubaza akazoza ke muri Chelsea, aritangariza ko igihe ari iki cyo gusohoka muri ino kipe. Yagize ati:” Ndakeka ngomba kubasezera, ariko umupira w’amaguru ugira ibyawo ntawamenya nshobora kuzagaruka. Ariko ubu ni igihe cyiza cyo kugira impinduka mu gihe cyanjye cyo gukina umupira w’amaguru”.

Eden Hazard avuye muri iyi kipe ya Chelsea nyuma yo kumvikana na Real Madrid, aho bivugwa ko ishobora kuba yamutanzeho akayabo k'aasaga miliyoni 100 z’amayero.

Eden Hazard umaze gutsindira Chelsea ibitego 110

Eden Hazard avuye muri Chelsea nyuma yo gutwara ibikombe bibiri bya Europa League , ibikombe bibiri bya Premier League, igikombe kimwe cya FA Cup ndetse n’igikombe cyimwe cya League Cup mu ikipe ya Chelsea. Eden Hazard yakiniye Chelsea imikino 352 atsinda ibitego 110, atanga imipira ivamo ibitego (Assists) 92.