Ikipe ya Rayon Sports yatwaye igikombe inyagiye Kirehe FC ibitego 4-0 mu mukino w'umunsi wa 29 wa shampiyona waberaga i Nyakarambi.
Jules Ulimwengu yafunguye amazamu ku munota wa 24' mbere yuko Sarpong Michael yinjiza penaliti ku munota wa 38' w'umukino nyuma yuko Munyeshuri akoze umupira mu rubuga rw'amahina. Igitego cya gatatu cya Rayon Sports cyatsinzwe n'ubundi na Jules Ulimwengu ku munota wa 74' ku mupira mwiza yahawe na Manzi Thierry. Iki gitego cyatumye Jules Ulimwengu yuzuza ibitego 19 muri shampiyona 2018-2019.
Igitego cya kane cya Rayon Sports cyatsinzwe na Sarpong Michael ku munota wa 90+2' w'umukino. Rayon Sports yahise itwara igikombe cy'umwaka w'imikino 2018-2019 nyuma yo kugwiza amanota 69 mu mikino 29 kuko APR FC bahora bahanganye ifite amanota 62 mu mikino 28.
11 ba Kirehe FC babanje mu kibuga
11 ba Rayon Sports babanje mu kibuga
Ibyishimo by'abafana ba Rayon Sports i Nyakarambi
PHOTOS: Saddam MIHIGO
TANGA IGITECYEREZO