Inyarwanda art Studio
Kigali

Rayon Sports na APR FC bamenye amakipe bazahura nayo, amakipe y’abagore yinjira mu gikombe cy’Amahoro bwa mbere

Yanditswe na: Mihigo Saddam
Taliki:22/05/2019 16:40
1

Mu mikino y’igikombe cy’Amahoro 2019 igomba gutangira tariki ya 4 Kamena 2019, ikipe ya Rayon Sports izatangira ihura na AS Kigali mu gihe APR FC icakirana na Rwamagana City.



Ni amakuru yasizwe na tombola ifunguye y’uko amakipe azahura mu gikombe cy’Amahoro 2019, igikorwa cyabereye ku biro bikuru by’ishyirahamwe ry’umupira w’amaguru mu Rwanda (FERWAFA) i Remera ku gica munsi cy’uyu wa Gatatu tariki 22 Gicurasi 2019.


Eric Nshimiyimana wabaye umukinyi w'Amavubi yari muri Tombola 

Mu cyiciro cy’abagabo, igikombe cy’Amahoro 2019 kizakinwa n’amakipe 20 arimo 12 y’icyiciro cya mbere n’amakipe umunani (8) y’icyiciro cya kabiri.

Muri iri rushanwa rizatangira tariki ya 4 Kamena 2019, amakipe azahura hagati yayo mu mikino ibiri (Home and away) hazamuke amakipe icumi (10) azaba yatsinze mu mikino ibiri izajya ihuza amakipe abiri hagati yayo. Nyuma hazazamurwa andi makipe abiri azaba yatsinzwe mu buryo budakabije bityo bibe amakipe 16 ari nabwo hazahita hakinwa imikino ya 1/8 cy’irangiza.


Kalim Kamanzi wabaye rutahizamu w'Amavubi nawe yitabajwe muri tombola 

Muri iyi tombola, Mukura VS ifite iki gikombe izacakirana na Unity FC, Rayon Sports icakirane na AS Kigali, APR FC ikine na Rwamagana City. Police FC ifite igikombe cy’Amahoro 2015 izacakirana na Gicumbi FC.

Mu cyiciro cy’abagore, igikombe cy’Amahoro 2019 kizakinwa n’amakipe icyenda (9). Aya makipe yashyizwe mu matsinda atatu (A,B,C).

AS Kigali ikipe imaze kuba ubukombe mu mupira w’abagore iri mu itsinda rya mbere (A) aho iri kumwe na AS Kabuye ndetse na Inyemera.


Nayandi Abraham yari ahagarariye Mukura VS ifite igikombe 

Scandinavia WF ikipe nayo itoroshye mu gihe gito imaze, iri mu itsinda rya kabiri (B) kumwe na Kamonyi WFC na Rugende WFC.

Dore uko amakipe azahura mu cyiciro cy’abagabo:

Tariki ya 4 Kamena 2019

-Hope FC vs Gasogi FC

-AS Kigali vs Rayon Sports

-Mukura VS vs Unity FC

-Interforce FC vs Intare FC

-Sunrise FC vs Espoir FC

Tariki ya 5 Kamena 2019

-Gicumbi FC vs Police FC

-Vision FC vs Bugesera FC

-APR FC vs Rwamagana City

-Etoile de l’Est vs SC Kiyovu

-Marines FC vs Etincelles FC


AIP Munyaneza Jean Sauveur umuyobozi wa tekinike muri Police FC izahura na Gicumbi FC yari muri tombola 


CIP Karangwa Maurice umunyamabanga wa Police FC akurikiye uko amakipe azahura 

Dore uko amatsinda ateye mu cyiciro cy’abagore:

Itsinda A: AS Kigali WFC, Inyemera FC na AS Kabuye

Itsinda B: Rugende WFC, Kamonyi WFC na Scandinavia WFC

Itsinda C: ES Mutunda WFC, Gakenke WFC na Bugesera WFC.


Itangishaka Bernard ni we wari uhagarariye ikipe ya Rayon Sports    


Nzigiyimana Zelbabel umunyamakuru wa Siporo kuri Radio Ishingiro yari yavuye i Gicumbi aje kumva uko bizagenda uyu mwaka 


Mu bagore hari amahirwe ko AS Kigali (umuhondo) izahura na Scandinavia WFC ku mukino wa nyuma 


Mukura VS ni yo ifite igikombe mu bagabo






IBITECYEREZO

  • Niyomugabo3 months ago
    Nina ari Tombola nibatwereke calendrier yose batazayikora Rayon Sport imaze kubereka qui igeze!


Bahaus

Inyarwanda BACKGROUND